Afioga i le Palemia, Dr Tuilaepa Sailele Malielegaoi,

Sui Mamalu o Malo mai Fafo, 

Le Mamalu o le ‘Au-valaaulia, 

Sui o Nusipepa ma Vaega Faasalalau ,

Tama’ita’i ma Alii.

Afio maia ma e faafeiloa’i atu ia te outou uma lava. I le avea ma sui o lē e lomia faasalalau le Samoa Observer, o Muli’aga Jean Ash Malifa, le faatonu o Mata’afa Keni Lesa, ma le aufaigaluega, ou te fia molimoli atu le faafetai tele –ona o le faaavanoaina o lo outou taimi tatou te mafuta faatasi ai i lenei afiafi. E pei lava ona outou silafia, ua tatou auai faatasi iinei e tatala aloa’ia ni galuega tetele se lua faa-itulagi. 

Muamua-o se tusi lea o tala pupu’u ua faaigoaina “O lo tatou Tofi, o le Vasa”, ma o lona luga o se aoaoga lea tau nusipepa e faatino i luga o le initeneti, ua faaigoaina o le “Pasifika Trainer”

O le a tatou amata la i le “O lo tatou Tofi, o le Vasa.” O le taunuuga lenei o le tauvaga amata o tusigā-tala pupu’u faa-itulagi a le Samoa Observer ua faaigoaina o le Samoa Observer Tusitala Short Story Competition, o lana tufagā-faailoga na faatino ia Tesema o le tausaga talu ai.

O le taimi muamua lenei ua se’e atu ai lenei tauvaga i tausaga uma, lea ua loa ona faagasolo mo le tele o tausaga, e avea ma tauvaga faa-itulagi.

E pei lava o le taunuuga na o’o i ai, o le tali aoao mai tusitala o tala pupuu i le salafa o le itulagi, e aofia ai Niu Sila ma Ausetalia, e matua tulaga uiga ese, ma o le mea moni- o se faaloto tele lea. 

Ma e tusa ai ma lenei aso,” o le tusi, “O lo matou Tofi, o le Vasa,” o loo faatau atu i totonu o Niu Sila ma le salafa o le Pasefika, ma e faapea foi i Samoa nei. O le aso e faamuta ai le tauvaga mo lenei tausaga o Novema, ma atonu o le asō o le taimi lea e tatau ai ona e maua sea tusi, ma a e taunuu i le fale-ia amata loa ona una’i na tusitala ua tula’i mai iina, e amata loa ona tusi a latou tala.

Ma ona soso’o ai lea ma le Pasifika Trainer, le  aoaoga aupito i fou tau nusipepa-lea o le a faaulufale mai i totonu o le Pasefika i Saute, ma o lea ua tatou tatalaina iinei i Apia i lenei afiafi. O le a mafai ona faa-avanoa atu i tusitala uma o loo galulue ma i latou e faagaoioia nusipepa  i totonu o le itulagi ma o le upu fiafia e faapea, o le a leai se totogi. 

I se faaupuga otooto,  o le Pacific Trainer –o se taumafaiga lea a faalapotopotoga tau nusipepa a le itulagi , o le Pasifika Media Association, poo le PasiMA. 

E faamautu i Apia lea o loo i ai lona ofisa autu, o le PasiMA o loo ta’ita’ia e se Komiti Faatino e to’aono ona sui auai, e taiulu ai se Komiti Faatonu lea e aofia ai Savea Sano Malifa, le Faatonu Aoao  o le  Samoa Observer, Kalafi Moala lea e gafa ma le Lolomiina ma le Ofisa Sili o Pulega o le  Tonga’s Taimi Media Network, o le Sui Ta’ita’ifono o John Woods, le Faatonu Pule o le Cook Islands News, o le Failautusi-Teutupe o Ana Currie o Honolulu  e avea ma lē e avea ma Project Co-ordinator, ma e pulea nusipepa a Samoa, o Faumuina Lance Polu ma Autagavaia Tipi Autagavaia.

O lea galuega tele na amata i le fa tausaga talu ai. Na amata faatasi ma se fuafuaga e faavae se polokalame tau aoaoga e faaaoga ai le initeneti mo tusitala o loo galulue i le itulagi o le Pasefika i Saute. I le faagasologa o le ala, sa una’ia se fuafuaga faatasi ai ma se fesoasoani a se Associate Professor o le Aoga Tau Fesootaiga ma Mataupu Lautele, i le A’oga mo Tusitala ma Fesootaiga Iunivesite o Kuiniselani, o Martina Hadlow.

I le faagasologa lava o lea ala, sa aafia ai le Hai Komisi o Peretania i Honiara, sa auai foi le Atu Solomon. Na tula’i mai lea tulaga ina ua faaalia e le Hai Komisi a Peretania i lena taimi i lea atunuu, o Timothy Smart, ma le Sui Hai Komisi, o Tom Oppenheim, le fiafia tele i ai ma o lea na latou faamaonia ni tupe mo lea galuega. I lea taimi-sa malaga mai i Apia Martina Hadlow ma Toma Oppenheim e feiloa’i ma le komiti a faatonu PasiMA lea na talanoaina ai le galuega tele lea na faamaonia ai tupe. E le’i umi mulimuli ane ai-ae amata loa le Vaega Muamua o le galuega tele.

O taimi amata o le 2012 ae le’i leva ona faavae le Pasi MA. Pe tusa o se tausaga mulimuli ane ai, i vaitaimi faai’u o le 2013 ina ua amata le Vaega 2 o le galuega, na tula’i mai ai le Fuafuaga a le malo o Ausetalia-o le Pacific Media Assistanc Scheme, PACMAS, na aga’i mai ai ma tupe e manaomia. O lea galuega tele na fuafua ma ati a’e e se tagata poto faapitoa i tekonolosi tau aoaoga i totonu o Honiara, o David Leeming, faatasi ai ma le fesoasoani a se vaega o tusitala o le itulagi.

Ma i lenei la afiafi ua tatou potopoto i lenei afiafia e tatala aloa’ia. O le mea lea, i le avea ma Ta’ita’ifono o le PasiMA,  ma i le avea ma sui o la matou komiti o faatonu, ua ‘ou fiafia lava e momoli atu le faafetai tele i le Hai Komisi muamua o Peretania i Honiara, o Timothy  Smart, le Sui Hai Komisi o Tom Oppenheim, le Polofesa Lagolago Tau Tusitala, o  Martin Hadlow, faapea foi le Pacific Media Assistance Scheme a le malo o Ausetalia, o le PACMS, mo le latou fesoasoani tau tupe na mafai ai ona faamae’a lenei galuega tele-e pei ona i ai i le asō. 

Ma o lea la ua tatou potopoto iinei i lenei afiafi e tatala aloa’ia, ou te lagona o le taimi lenei e una’ia ai i latou uma o loo galulue e avea ma tusitala o tala fou o i totonu o la tatou vaega o le Pasefika, ina ia faaaoga lenei avanoa, ma ia faaaoga ma le tatau e saga faaleleia ai i latou , o latou aiga ma o latou atunuu. Se’i o’u faamatala atu e faapea o le ta’iala autu o loo lautua i lenei galuega tele o le siitia lea o le tulaga o le tusiga o tala i le salafa o le itulagi, aemaise ai lava o tusitala tau suesuega. 

E leai se totogi i tusitala uma o loo galulue, ina ia mafai ai e i latou e faagaoioia nusipepa ona maua ni faamanuiaga mai lea taumafaiga, ona e leai foi se totogi mo i latou ma latou aufaigaluega.

O lea faiga-o le a tatau ai ona maua se fesoasoani mo e pulea nusipepa ma le toe faaleleia o galuega a tusitala ma tomai tau le poto masani, ia ia mafai ai e i latou ona ‘ausia se tulaga e lagolago atu ai i galuega tau nusipepa a isi atunuu o i o latou vaega o le itulagi. O se avanoa lea e le tatau ona maumauina. 

I le taimi nei la-tuu maia o a’u ou te una’ia tusitala uma ina ia faaaoga lelei lenei avanoa, e faaleleia atili ai lo latou sao fai faatasi i le avea ma e ua faaigoaina o “ta’ifau leoleo” a o latou lava malo, ina ia mafai ai ona faaleleia le iloa o tagata lautele. 

Ma o le vaega mulimuli, tu’u i latou e mafaufau i ai i  le avea ma uo, ae ia ‘aua lava ne’i avea ma mea malie e fana ai se fili. Tuu i latou e mafaufau i ai ina ia avea ma mea faigaluega e fausia ai, ae le o se mea faigaluega e taofia ai ma faatama’ia.