Fa’afetai, fa’afetai tele lava

By Aruna Lolani 01 June 2017, 12:00AM

O ananafi se aso fiafia i le tamā ia Simati ina ua taua’ao iai se siaki$200 le seleni mo ia ma si ona aiga. 

O le vaiaso i ona tua sa fa’alauiloa ai le fia maua ai e le tamā ia Simati o se fesoasoani i  le vaega o le Fofoga o Samoa. 

Na maua le fa’atalatalanoga ma le tamā ina ua fo’i mai le la fa’atauna atigifanu  ma si ona atali’i e na’o le $7 le seleni na maua ai. 

O maua ma si o’u to’alua ma te galulue le tapenaina o se tasi fanua i nei Vaitele ma o lo’o matou nonofo ai ma si a’u fanau. 

“O le matou totogi e maua e $50 i le vaiaso o nisi o vaiaso e $35 le tupe maua. 

“Ia e le taitai ona lava ai se fa’asoa o lea e mana’omia ai lava se fesoasoani. 

“Ia o le galuega la o lo’o fai nei e maua ai sina seleni fa’asili o le fa’aputu mai o atigifanu a lava ua ave le faleoloa e fa’atau ai. 

Sa taua e le tamā le mativa lava ma e mana’omia lava se fesoasoani. 

“E le gata i le leai se tupe ae o si o’u to’alua foi e iai ona manaona fa’apitoa. 

“Na afua mai ina ua pauu mai luga le koko ma tau fa’aletonu ai lona mafaufau. 

“O lea foi o lo’o mana’omia ai lava se seleni ae le gata i ana fualaa’u ma ana siaki.

“O le itu pitosili ona faigata o le leai se tasi le fanau to’a fa e aoga. .

“E le’o gafatia e maua nei na ave le fanau le aoga ma e leiloa po’o afea a o’o ai le fanau le aoga.  

“O le onosai lava se maua sa’u galuega lelei totogi e sefe ai se tupe e ave ai le aoga. 

“O le ala foi le ao le mana’omia o se fesoasoani. 

 O le auna’i lenei le tamā na aualofa mai iai se tasi foi o tamā ma ave iai le siaki 200 tala. 

“Ua tatau lava ona iai se fesoasoani mo i nei aiga,” o lana lea tala. 

“O lenei seleni ua na’o sina fesoasoani e fa’atau ai se mea’ai a le fanau.” 

I le tauaaoina o le siaki, sa lagona lava e Simati le agaaga fa’afetai ma le fiafia. 

“Ou te fa’afetai atu ona o lenei Samaria agalelei, ua ia foa’i lenei seleni. 

“Fa’afetai tele, sa lilo i manatu o le a mafaia ona o’o mai lenei fesoasoani tele ma e moni lava, o lo’o iai lava tagata alolofa ma lima foa’i i nei Samoa. 

“Ia te a’u lava ia o le tamā, e momoli atu le agaga fa’afetai tele ona o le alofa mai ma le manatu mai foi. 

“E lagona lava le loto fiafia ma le fa’afetai, o lo’o iai lava e o lo’o agalelei mai ma maua mai ai le fesoasoani. 

“Fa’amanuia le Atua le foai ma fa’afetai tele lava. 

Sa taua e le tamā ia Simati o le vaega muamua lava e fa’aalu ai le tupe o le fa’atauina tagaaraisa. 

“O le tele o aso e viga ai lava le fanau ua lelava ai taro ma fa’i. 

“O lea la e fa’aaoga le tupe e fa’atau ai se tagaaraisa. 

O le tele foi o isi mea’aalofa o le a ofaina atu i le tamā mai nisi foi o Samaria. 

By Aruna Lolani 01 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>