Fa’aoga lou tupulaga talavou

By Aruna Lolani 01 July 2017, 12:00AM

O le aso ananafi na maua ai le fa’atalatalanoaga le Fofoga o Samoa ma Siaosi Tumanu’a o Saleimoa ma Leauva’a sa ma sa ia mafai ai ona ia fa’asoa mai le taua o tupulaga talavou i totonu o aiga.  

“O le a’upega e pito sili ona malosi ai so’o se tupulaga talavou o le to’aga  i le tatalo ma ia fa’amaoni i so’o se galuega ua maua ma ia iloa o ia o le talavou.

 “E mana’omia e talavou ona faia ni filifiliga lelei ina ia aua ne’i inoino se isi i lona olaga talavou ma  o le  agaʻigaʻi i luma o le ola o le mafai ai lea ona o latou faia o ni suiga auā le lelei.

“O le tele o tagata ua tusitusi lima uma mai le leaga ua iai nei le tupulaga talavo, peitai e tasi lava le lago mate o lo’o fa’aletonu ai le suau’u. 

 “Ia o se fiafiaga i a te a’u ina ua ou iloa ola fesoasoani ma ola tausi aiga ia maise lava matua. 

“Ae sa le mapu ai lava le taumafai pea e su’esu’e se galuega e maua ai se seleni ma aai ai le aiga. O lea la e iai le fagota ma le alu le maumaga. 

 “I lo’u lava ia iloa i ai, o le a le taleni ma agava’a ua maua, ia o le talavou lava ia i le fa’atamala e ala ai ona le aoga i a te ia.

 “A alualu fai so’u to’alua ma sa’u fanau ia ou te iloa o le a fa’aauau pea le  ‘elei aua se lumana’i manuia.

“E leai lava se isi ki ma le tatala o le manuia ai o so’o se taumafaiga, e pei o  le fa’amaoni lava ma usita’i i le tinā ma tamā.

“Ia iloa  fo’i e le talavou lona tiute i fafo ma totonu o le aiga, fale o le faife’au, so’o se mea e alu i ai, o lona aoga i so’o se vaega  o lo’o galue ai.

“Ia o le isi foi itu e le mafai ona fa’agaloina o le Ali’i. Ia muamua lava le Atua mea uma ia maua le fa’atuatua le Ali’i. 

“Aua o le Ali’i e ona le malosi uma lava ma o ia foi e aumai ai le tali o so’o se fa’atiauli. 

By Aruna Lolani 01 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>