Fōfō Fa’ale-aganu’u ma le asō!

By Vatapuia Maiava 01 November 2016, 12:00AM

O taulasea Samoa na fa’alagolago ai le to’atele o le atunu’u i aso ua mavae ma ua le tutusa ma nei aso ona o suiga e pei ona o tatou molimauina.

“O le galuega lenei a nai tua’a ua mavae sa lilo i manatu e alia’e mai i le taimi lenei.”Saumalu Saufo’i o Si’usega i le fa’atalatalanoaga ma le Fofoga o Samoa i le aso ananafi.

O Saumalui ua silia ma le sefulu tausaga o avea ma taulasea Samoa.

“Sa tanumia lava le galuega a tinā ma tamā, aua o fōfō fa’aleaganu’u na lavea’i i a’i latou ua mafatia ae pei o fōfō Samoa e manuia ai le to’atele o le mamalu o e atunu’u o lo’o gasegase pei la o le kanesa ma isi.

“ E moni lava o le tulaga e i ai lava vaega e le taliaina i le tino, ia e aumai iinei ono fo’ia lava lea i nai lau la’au.

“ Ia lea e aumai fo’i vivao, lau tamaligi ma  e pei o vai o le ‘ona o lo’o o matou fa’aaogaina i nisi o lo’o aumai i’inei i le kanesa.

 “E pei o ma’i ia sa ta’ua i aso la, o le ma’i lea  e fa’aigoa e tatou o le pala ga’au ae avatu le falema’i ae fai mai ua kanesa ae o lo’o aoga ai le fue manogi.

“A aumai e fai mai  ua kanesa le fa’a’i.

“Ia o lo’u iloa i ai, e manatua fo’i na fausia i tatou i le palaplala o la’au fo’i la na ola mai le palapala e faaoga uma lava mo tatou.

“O le to’aga lava e ai mea’ai paleni, ia ua tele mea’ai mai fafo ma tele vaila’au o lo’o fa’aaogaina i moa.

 “Ua sau le pisupo ma moa, ia o lo’o i ai vaila’au , ia ma kiliva mai le pasefika ia e i ai tulaga fo’i lea e le fetaui ma o tatou tino.

“Ia o si i’a mai le sami ma figota, pe ulu ma le miti ia ae o lo’o soifua maloloina lelei ai.

 “Ae o nei  galuega o lo’o ou faia na fafano mai e lo’u tinā i a te a’u , ia o le taimi lenei ia o le la fo’i ua tu’uina atu i le fanau.

By Vatapuia Maiava 01 November 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>