Paū le tau o le penisini ma le karasini i le masina o Fepuari
Ua fa’ailoa mai e le Minisita o Tupe, Sili Epa Tuioti le paū ai o le tau o le penisini ma le karasini amata atu i le Aso 1 Fepuari, 2018.
E tusa ai ma le pea o fa’amatalaga o le tau o le penisini ua paū nei i le 3 sene mai le $2.70 i le $2.67 i le lita.
O le tau o le karasini ua paū nei i le 1 sene mai le $2.32 i le $2.31 i le lita.
O le tiso ua si’itia i le 1 sene mai le $2.64 i le $2.65 i le lita.
Sa fa’aalia mai fo’i o le tau o le suāuu i a Fepuari o lo’o atagia ai le tau o le suāuu i Sigapoa o le masina o Tesema.
Sa fa’amauina le si’itia o le tau o le suāuu i le va o le $0.20 ma le $2.20 tala Amerika i le paelo.
Sa pa’ū le tau o le fela’uaiga o le suāuu i luga o le vasa fa’atsi ai ma le tulaga malosi o le tala Samoa pe a fua i le tala Amerika e tusa ma le 0.3%.
Sa fa’amauina e le International Energy Agency the aofaiga o le suūuu gaosia i Amerika i lenei tausaga ua sili atu nai lo le tapula’a o suāuu gaosi i Saudi Arabia.