E sili atu pulega fa’amatai

By Ilia L Likou 02 October 2017, 12:00AM

O le mafai ai e Samoa ona avea ma se atunu’u Kerisiano o se itu lelei tele lea.

O lea le finagalo fa’ailoa o le ali’i talavou i a Amisone Amisone, 35 le matua o le soifua o A’ufaga.

“E pei o le uiga o la’u tala o le mafai ai o si o tatou atunu’u ona  fa’atino lea tulaga i se taimi vave o se  itu lelei tele.

“A fua atu ai le  tele o le mau fa’afitauli o lo’o ua alia’e mai o lona uiga a toe fa’aopopo atu ai ma se isi tapuaiga fou.

“Ia tupu le mala, aua o lona uiga e fiu le mea e toe taumafai atu le tele o le mau tupulaga o lo’o ua i ai nei le faigata.

Na ia fa’ailoa o le itu lelei tele lea mo Samoa o le o fa’atasi o le aganu’u ma le fa’a-Kerisiano.

“Ia e pei o lea lava o lo’o fa’alagoalgo ai Samoa i le taimi lenei, aua e moni lava i le ofisa o leoleo ae pei e lelei lava ona o’o i ai ma le aganu’u.

“Le pulega a matai e fa’apea ona fesoasoani i le tele o taimi.

“O leoleo ia na o le maua lava fa’amasinoga, ae o pulega a ali’i ma faipule e fai o le aumai o oe pe a maua sau ova fa’asaofa’i oe i le ogatotonu o le fale.

“Ia na e malie lea i tala o le a faiatu i a te oe, e muliga le tiga o le tau o le sasa i lou patua i le matuitui tigā o upu ma tala.

“Ae o le alofa lea e afiafi ai lava i totonu.

Na ia fa’ailoa o le tele o aiga o lo’o latou tete’e i pulega e tele ina omai le taulaga ma tutpu ai fo’i o nisi tulaga.

“E pei o lo’u ia lea iloa i ai le taimi lenei, o le leaga fo’i lea o le tele o tagata aua a fa’atea mai nu’u ae o atu le taulaga ta’imua ai misa.

“Aua e fiu lava fo’i faiganu’u e taumafai ae fa’apena lava le alu o le soifuaga...e ao lava la ona fa’amalosia lava faiganu’u.

“Atonu e fesoasoani i le mau tulaga o lo’o tula’i mai nei, ina ne’i i ai se fa’aletonu e tula’i mai ae ua le mafai ai lava se vaifofo.

“Ae pei e manaia le taimi lenei e vave fai ai lea tulaga o le laugatasia o nu’u i fa’amalumaluga a pulega a matai.

By Ilia L Likou 02 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>