Ia fe-fa’aaloaloa’i

By Ilia L Likou 01 November 2017, 12:00AM

O le maua ai o le fa’atalatalanoaga a le Fofoga o Samoa ma Mose Brown i le aso ananafi na ia fa’ailoa o lo’o tele lava fa’afitauli o lo’o feagai ma aiga i Vaitele-Fou.

“Ae o nei mea uma o lo’o taumafai lava e soalaupule i le ava  fatafata ma o lo’u ia iloa i ai o lea lava le tulaga o lo’o ua i ai nei Samoa.”

Na ia fa’ailoa e le’i leva ona nofoia e lo latou aiga lea vaega o le atunu’u.

“Ia e pei o lea lava le tulaga o lo’o i ai nei vaega o le atunu’u aua tatou te iloa uma lava o lo’o taumafai lava e fa’atino o so’o se tulaga e mafai ai ona soalaupule o so’o se mataupu e ala lava i le ava fatafata.”

“Ae o le uiga o la’u tala, e le taumate ina o lo’o ua tatou masani uma lava i nei faiga, e tau le vilia fua leoleo ae mafai lava ona soalaupule mea uma.”

“O lou iloa o lou tagata ma le isi tagata e faigofie ai ona soalaupule o so’o se mataupu.”

“E ao ona silafia lelei, ua le toe faigofie nei aso ua matua’i leai lava se tulaga fo’i le le e mafai ai ona o tatou foia le tele o le mau fa’afitauli.”

Na ia fa’ailoa o le filemu e mafai ona maua pe a fa’amuamua le va fealoa’i ma le fa’aaloalo o le isi tagata i le isi tagata.

“E pei o lea lava le tulaga e ao lava ona o tatou va’avaai i ai, ua le faigofie nei aso ua pule lava le tagata i le mea e fa’asaga i ai.”

“Ae a o tatou filifili lava e galulue fa’atasi ma fa’asoa lelei lagona ma  mafaufauga ia e taunu’u lava i le taunu’uga lelei.”

“O le fa’aaloalo fo’i lea e mafai ai ona tu’u i lalo le leo o le la’au pe afai e te silafia o lo’o gasegase se tinā...e tu’u ai i lalo e le aveta’avale lana la’au pese pe a iloa ua o’o le taimi afiafi o faigalotu.”

“E pei e fai uma lava i lea tulaga, ma e ao ona o tatou va’ava’ai lelei i ai.”

By Ilia L Likou 01 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>