‘O se Ave o le Faamoemoe’ mo Samoa

03 April 2016, 12:00AM

“I totonu o se lalolagi lelei-e le manaomia ai se Faalapotopotoga a Samoa mo e Puapuagatia. I totonu o se lalolagi lelei-e leai se mea e mana’omia ai se Faalapotopotoga o le Ave o le Faamoemoe,  I totonu o se lalolagi lelei-e tofu i tatou ma aiga lelei.  “Ae o le itu e faanoanoa ai, tatou te le o nonofo i totonu o se lalolagi lelei.”

Ona o nei la upu, o lea na tuuina atu ai e le Ta’ita’ifono o le Faalapotopotoga o le Ave o le Faamoemoe -se fale o faalepo, na faavaeina e ala i le sasa’a mai o le alofa mai ni paaga fai musika o Raymond Fruean ua maliu-i le faagasologa o lona maliu faafuase’i.

O le Palemia ma o le Faa-Tamā fo’I lea o le Faalapotopotoga o le Ave o le Faamoemoe, o Tuilaepsa Sa’ilele Malielegaoi, na ia tauaao atu aloa’ia le Fale o le Ray of Hope i le Faalapotopotoga mo e Puapuagatia-ina ia mafai ai ona api ai tupulaga talavou ua afaina i ma’itaga-talu ai sauaga tau feusua’iga ma le fai-taaga.

“Talu mai le 2007, e 92 teine talavou na afaina i sauaga tau feusuaiga ma le fai-taaga –sa mana’omia le lagolago a le Faalapotopotoga mo e Puapuagatia i le faagasolo o le taimi o le popole ma mea faatiga i le tino i le faagasologa o latou ola,” o le faaaliga lea a Pepe. 

 “Mo nei teineiti-sa avea pea le Faalapotopotoga mo e Puapuagatia ma o latou malamalama pupula ma pou –tu o le faamoemoe i le faagasologa o se taimi lea e o’o lava i o latou aiga moni –ua tuulafoa’ina i latou. 

“ I lenei la Aso-ua tuuina atu e le Faalapotopotoga o le Ave o le Faamoemoe lona tau’au e fesoasoani i le Faalapotopotoga mo e Puapuagatia (S.V.S.G.), e tusa ai ma le latou galuega-o le toe fausia lea o olaga o nei teineiti talavou ma tuu atu ia i latou se ‘Ave o le Faamoemoe’ e toe fausia ai o latou olaga talavou ma tepa taula’i i se lumana’i manuia.”

O le fale o le ‘Ave o le Faamoemoe’ na fausia ina ia mau nofoaga ai le o’o atu i le 18 teineiti laiti ua ma’ito ma ua afaina ai ma lē tausia i latou ua uma ona aoaoina. Ua uma ona i ai se potu mo suesuega faa-foma’i a foma’i ua ofo mai e galulue fua e leai se totogi.

I le faagasologa o le fono a le S.I.D.S  ia Setema 2014, sa faamaopoopo ai se Koneseti a le ‘Ave o le Faamoemoe” e Brotha D, Andy Murane o le ‘Dawn Raid-e ala i se faiga faa-paaga ma le Digicel e saili ai ni tupe faatasi ai ma tupe faasili na foa’i atu i le S.V.S.G.

O le koneseti a le Ave o le Faamoemoe na maua ai le $100,000 mo lea faamoemoe.  Na fetaui lea koneseti ma le malaga mai a le pule o le Digicel o Denis O’Brien e auai i le S.I.D.S. e avea ma sui o le fono a tagata fai pisinisi.

Ina ua faalogo o ia i le taumafaiga e saili ni tupe mo lea faamoemoe taua, na foa’i mai e Mr. O’Brien le isi $300,000 mo lea galuega ma na lu’i ai le Ave o le Faamoemoe ina ia faaaoga lea tupe e fai ai se eseesega.’

O le Faalapotopotoga o le Ave o le Faamoemoe na faatu e avea ma mea faigaluega e faatino ai se galuega tau le fausia ma tuuina atu i ai se pulega e tatau ai ina ia mautinoa ai e faapea o le alofa tula’i o e na foa’i mai tupe –o le a ‘ausia ai ni sini e sili ona lelei-o le faia lea o se eseesega.’

Ina ua mae’a ona feutaga’i ma le Faalapotopotoga a e le atoatoa le malosi a Samoa, na tonu i le Faalapotopotoga a le Ave o le Faamoemoe e faapea o loo i ai se mana’oga tele mo le fausia o se fale o ‘sulufa’iga’ ma se nofoaga faapitoa; se fale o le ‘Ave o le Faamoemoe mo tupulaga laiti ua afaina ona o ma’itaga ma faasaga ai loa e tuufaatasi le galuega ina ia faatino le faalepo. 

I lea taimi, e to’atele teineiti ua aafia i ma’itaga  sa i totonu o fale tetele o le Faalapotopotoga mo e Puapuagatia a Samoa faatasi ai ma se avanoa faatapulaaina i togafitiga faapitoa faa-foma’I e tete’e atu ai i ma’itaga, fautuaga  ma potu faapitoa.

Mo Siliniu Lina Chan ma le Faalapotopotoga mo e Puapuagatia a Samoa, o le fale o le Ave o le faamoemoe o se faalepo lea ua taunuu. “O aso uma lava o le fale o le “Ave o le Faamoemoe-sa na o se miti lava,” o le faaaliga lea a le tama’ita’i.

“O le vaaia o lenei miti ua tino mai e matua uiga ese lava, o le a se isi mea e tatau ai ona matou ole atu ai i le Atua?  O se mea lenei e mafai ona e tagi ai ma mafaufau i ai,  pe a e tilotilo ma ou lagona i lea nofoaga, o teineiti ma latou faamatalaga e momomo ai le loto.

“O lo’u faamoemoe ia i ai se aso e mafai ai ona matou faailoa atu ia Samoa taunuuga lelei o lenei galuega alofa, e avea ma taunuuga o se mafaufauga lelei faafoma’i, “timaiga, mapu, saogalemu ma se siosioga malu puipuia o le Ave o le Faamoemoe, lea ua na tuuina atu i luga o teine i totonu o se nofoaga talafeagai e fesoasoani ai ia i latou ina ia mafai ai ona toe fausia o latou olaga.”

Mo le faagasologa i luma, o le Ave o le Faamoemoe faatasi ai ma le lagolago malosi a le Digicel o le a faaauau pea ona valaau atu i le atunuu lautele ma paaga tau atiina a’e ina ia tali mai i le lu’itau tau le faatupeina ina ia mautinoa ai le faatumauina pea o le Ave o le Faamoemoe mo se taimi umi e una’ia le silafia o le atunuu e uiga i nei mataupu lautele ma le mata’utia o loo lamatia ai lo tatou atunuu ma tuuina atu se lagolago ma se leo mo i latou laiti ua aafia ai.  

 

E uiga i le Faalapotopotoga o le Ave o le Faamoemoe 

Na Faavae ia Mati 2015

Faa-Tamā

Hon. Auelua Fatialofa Tuilaepa Sailele Malielegaoi

 Tausi Mea

Salausa Dr. John Ah Ching – Minisita Lagolago o le Soifua Maloloina 

Su’a Hellene Wallwork – Paaga mo  Wallwork Lamb Lawyers

Suluimalo Amataga Penaia – Ofisa Sili o Pulega o le MNRE

Seugamaalii Jammie Saena – Pule Faatonu mo le Pulega o le Suavai 

Kristabelle Westurlund Cowley – Farmer Joe & Ah Liki Group

Leaupepe Talai Lene – Digicel Samoa

Pepe Fia’ailetoa Fruean – Digicel Samoa Chairman

03 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>