Fia maua se tane vai
Ua faatalosagaina e le tamaitai ia Falefitu Pe’a se fesoasoani mai le lautele e tauala mai lea I le Fofoga o Samoa ona o loo fia maua se latou Tane Vai.
“O se tasi lea o vaega o loo manaomia tele e lo matou aiga ona e fai ma motusia le matou suavai”
E lei ‘alo lava le Falefitu e faailoa mai le tulaga pagatia ona e iai taimi e tulai mai ai lea faaletonu ona ua le totogia le pili o le suavai agai ile pulega o le suavai.
Ma sa faailoa e Falefitu o se tasi lea o vaega o loo matuai mananomia lava e le latou aiga.
Afai ae motusia lea auaunaga o le latou tuaoi e faamoemoe ai poo le vaitafe e faalagolago iai e maua mai ai le suavai.
Sa lagolagoina e le tina matua o le aiga le talosaga a le tamaitai ia Falefitu Pe’a na tuuina mai I le Fofoga o Samoa.
Taua e Falefitu o le faatoa’ga o loo faamoemoe iai le tausiga o le Aiga I le taimi nei. Ma o fua o faatoaga o loo auina atu lea ile Maketi o loo maua mai ai le seleni e tausi ai le aiga.
“ A lelei lava le faatauga ua tele lava le seleni e maua.”
Fesiligia pe o toe fia saili se isi galuega ae tali le tamaitai ia Falefitu o ia o loo nafa ma le tausiga o le aiga I le taimi nei.
Ma a iai se Samaria agalelei o loo fia foai se tane vai o lea aiga o loo aumau lea I Safato’a Lefaga.