Ua tu mai tafa-i-lagī ni Suiga

04 January 2016, 12:00AM

Faaliliu e Seagaitumua Tupuola

 

E lua ni matagaluega a le malo e ono auai i le isi to’afa faatasi ma ni Ofisa Sili fou o Pulega o loo i le foe o le tausaga o galuega 2016 lea e amata i le asō.

E ui lava e le o mafai ona faamaonia aloa’ia, ae na faaalia e puna o faamatalaga i le Samoa Observer e faapea o le Matagaluega o Faamasinoga ma le Pulega Tau Faamasinoga ma le Matagaluega o A’oga, Taaloga ma Aganuu o le a maua ni o latou Ofisa Sili fou o Pulega. O lea faaiuga e manino mai na fai i le tausaga talu ai, i luma mai o le malologa o le Kirisimasi ma le Tausaga Fou. 

O le Matagaluega o Faamasinoga ma Pulega Tau Faamasinoga lea o loo taiulu ai i le taimi nei se Ofisa Sili o Pulega ua leva ona auauna ai- Masinalupe  Tusipa Masinalupe, ae o le Matagaluega o A’oga, Taaloga ma Aganuu o loo i lalo o le taitaiga  a Matafeo Falana’ipupu Aiafi. 

Sa le mafai ona maua se fesootaiga ma Masinalupe poo Matafeo mo ni o la finagalo faaalia. Ae peitai-ua uma ona faamaonia e Matafeo fuafuaga e tauva ai mo se tasi o Nofoa o le Taulaga i Faiga-Palota Lautele ia Mati. Na ia umia lea tofiga mo ni vaitaimi se lua..

O Masinalupe i le tasi itu sa avea ma se tasi o Ofisa Sili o Pulega ua leva ona tautua i totonu o le malo.

O le agai atu i le faaiuga o le tausaga talu ai, na faamaonia ai e le Kapeneta le tofiga o o ni Ofisa Sili o Pulega mo ni Matagaluega se ono a le Malo. O ia tofiga e aofia ai Ofisa Sili fou o Pulega e to’afa. 

O nei Matagaluega e aofia ai le Matagaluega o le Palemia ma le Kapeneta (M.P.M.C.); Matagaluega mo Tupe Maua (M.O.R.); Matagaluega o Mataupu Tau le Va i Fafo ma Fefaatauaiga (M.F.A.T.); Matagaluega o Tupe (M.O.F.), Matagaluega o Galuega Fela’uaiga ma Galuega Tetele (M.W.T.I.) ma le Matagaluega o Fesootaiga ma Faamatalaga Tau Tekonolosi (M.C.I.T.) 

E to’alua Ofisa Sili o Pulega ua uma ona toe tofia i o latou tulaga muamua. O Ofisa Sili o Pulega  mo le Matagaluega o Tupe (M.O.F) , o Lavea Tupa’imatuna Iulai ma mo le Matagaluega o Fesootaiga ma Faamatalaga Tau Tekonolosi (M.C.I.T.), o Tua’imalo Asami Ah Sam. 

Agafili Tomaimanō Shem Leo; O Ofisa Sili (fou) o Pulega i se tasi itu: Matagaluega a le Palemia ma le Kapeneta: Agafili Tomaimanō Shem Leo

Matagaluega o Tupe Maua:Avalisa Viali Fautuaalii;

Matagaluega o Mataupu Tau le Va i Fafo ma Fefaatauaiga: Peseta Noumea Simi;

Matagaluega o Galuega, Femalagaiga ma Galuega Tetele: Su’a Poumulinuku Onesemo.

O latou tofiga na amata aloa’ia i le asō.

04 January 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>