Tausiga le tinā mātua

By Fetalai Tuilulu’u 04 March 2017, 12:00AM

“Sa talosagaina lava le falema’i mo se fesoasoani se nofoa fa’ata’avalevale mo si o’u tinā ma’i peitai e leai lava a se tali ua aumaia. 

O le maua ai o le fa’atalatalanoaga a le Fofoga o Samoa ma le atali’i i se le tinā mātua po le tamā foi ia Tanielu Tauai, 37 tausaga le mātua le soifua i le aso ananafai sa fa’ailoa mai ia le mana’oga tele o lo’o feagai nei ma ia. 

“O le taimi nei o maua ma le to’alua ma le fanau o lo’o gafa ma le tausiga le tinā matua ma ou te talosagaina lava se fesoasoanui I se nofoa (wheelchair) mo si o’u tinā  ma’I nei. O lona lea manatu. 

“Mo le silafia o le tausaga 2011 sa ma’i ai le tāma le aiga ma sa talosagaina ai se nei nofoa peitai na uma lava le ola si o’u tāma i le 2014 e lei maua lava mai lava se tali. 

“O lenei lava e talosaga lava āua foi le ma’i o le tinā pei na tou silasila atu ai e o’o mai lava i le taimi nei e lei maua mai lava se fesoasoani.  

Sa taua e le tāma po le atali’i o le soifuaga o lo’o tatou iai nei e taugātā ae petai o totonu lava o lona aiga ma le atina’eina o lo’o sologalelei lava mea uma. Ae pau lava lenā o le lave o le feagai ai ma le tausiga o le tinā ma’i. 

“O le taimi nei o lo’o ou faigalueg aua le tausiga le aiga, ia o si o’u to’alua lava e gafa ma le tausiga le tinā ma’i, ma o le ala foi lea o le talosagain ai o se nofoa aua lava le fa’afaigofie o feau ae maise lava le fa’afaigofieina mo le tinā.

“O le ma’i o lo’o feagai ma le tinā e pēpē uma le isi itū o le tino e faigata lava iā ia ona fealua’i ma fai ni aga galuega ona ua le  mafai lava ona savali. E leai foi se cure po se vai fōfō o lenei ma’i pau lava le agaga ia mātou o le tausi ma tatalo lava mo le malosi umi o le tinā.

 Sa taua e le tāma e faigofie mea uma lava i le tausiga o le aiga ae o lea itu o se fesoasoani mo lona tinā. Sa ia fa’ailoa foi o le tinā e 65 tausaga le mātua ma ua o’o foi le tausaga vaivai ma fa’atugata i le tinā o le ala lava lea o le talosagaina o se nofoa. 

“O te ta’utino atu o le tinā nei o se tinā e pele ia’i matou, ou te alofa ma tausi ma le fa’amaoni ia te ia, e lē mafai e upu ona fa’amatala lenei tuaiga tinā aua o ona uiga fa’alia e fa’agalogātā o le ala foi lea o le naunua lava ina ia iai uma mea e n ate mana’omia ma mātou tausi ma le fa’amaoni iai. 

 “E ui le tele o taimi e tele ai fa’afitauli mea tau tupe ae le gata ai i le taumafai ina ia maua e le tinā le fiafia ma le ola ae maise le malosi mau te mafuta ai pea. 

Mo sē fia fesoasoani ia Tanielu ma si ona tinā ma’I e maua le feso’otaiga i le numera 7268014

By Fetalai Tuilulu’u 04 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>