O le fa’aletonu ai o auala i Faleasi’u aga’i Aleisa o se fa’afitauli tele lea i le to’atele o le mamalu ole atunu’u o lo’o alala i lea vaega o le atunu’u.

O lea le finagalo fa’aalia e le tamā i a Ruby Fesola’i i le aso ananafi i le Fofoga o Samoa.

Mai le afio’aga o Faleasi’u-Uta o lona finagalo o se itu e ao ona silasila lelei i ai i le  taimi lenei aemaise le alo atu ai le lumana’i.

 “Ia e mo le silafia e le se itu talu ai nei le fa’afitauli lenei mo le silafia.

“O se vaega ua loa tausaga o feagai ma le to’atele o i latou o lo’o i lenei pitonu’u ma o se itu e ao lava ona silasila i ai le malo.

“E pei ona silafia ai o se tulaga e ao lava ona va’ava’ai atu i ai aua e pei o lea lava le manaoga o lo’o ua o tatou tagata i le taimi lenei.

“O le saogalemua o vaega uma aua e le gata mo le lautele ae o le ola tuputupu a’e o nai o tatou fanau i le lumana’i.

Na ia fa’ailoa fo’i ole tele o tagata ua nofoia lea vaega o le afioaga.

“Ia ua o tatou iloa uma lava le una’i ua i ai nei aso o le taumafai lava e una’i nai o tatou fanau aua le lelei alu i luma o vaega uma o le soifuaga.

Na ia fa’ailoa o le taimi lenei ua tele lava nai aiga ua le tagolima ona o le taugata o le soifuaga.

 “Ia o lo’u iloa ia i ai le taimi lenei ua i ai Samoa.

 “Ua leai lava se mea o toe mafai ona lilo , aua o lo’o ua ta’u mai lava le olaga o lo’o tele ina ola ai le tele o nai o tatou tagata le mea lea ua tupu.

 “O le a le lelei o totogi a nai fanau, ia e i’u uma lava le  fai o nonogatupe, ma o le sa’o lava lea ua tatou i ai nei.

 “E leai se fa’amoemoega e tau sefe se tupe mo tamaiti, aiga, o se fale e fau, o Samoa lava ia le taimi lenei ae mafaufau loa se tulaga fa’apena ia ona fuafua lelei loa lea e fai le loan ia ma e uma le olaga nei o tau totogi.

 “O lea le fa’amaoniga o le faigata ua i ai nei , ma o se fa’anoanoaga tele lea.

“Ia e tele lava le mau mea ae pei o vaega nei e ao lava ona ave i ai le fa’amuamua i taimi uma.