E aoga le fa’atekonolosi

By Ilia L Likou 05 February 2017, 12:00AM

O auala fa’atekonolosi o se tasi lea o vaega o lo’o ua maitauina i le taimi lenei le taua tele i le tele o vaega o le atunu’u.

I le fa’atalatalanoaga ananafi ma Metzel o Tuana’i na ia fa’ailoa ai le taua tele o auala fa’atekolosi i le tele o aoga.

“E pei o lea lo’u ia iloa ai le taimi lenei i le aoga tele o auala fa’atekonolosi nei mo le fanau o se itu e ao lava ona toe fa’ailoa lelei lona fa’atinoina.

“O le molimau lava lea e tasi e ao ona o tatou fa’atauaina ia o le aoga o vaega nei.

“I la’u ia va’ai i ai, ia o lea ua tatou molimauina uma le tulaga e pei o le tele ai o vaega e ao ona fa’atinoina.

“O nei vaega fa’atekonolosi o lo’o ua matua’i fesoasoani tele mo fanau, ia e le gata i lea a alualu ua utiuti faiaoga ia a lae aoga vaega nei e feso’ota’i atu ai i atunu’u i fafo mo le lelei alu i luma o aoga a le fanau.

“Ia e o’o fo’i lava i fale faigaluega e pei o lea le tulaga o lo’o ua maitauina lava i le taimi lenei.

“Ua faigofie le tele o fa’atinoga ona o le lelei o vaega fa’atekonolosi, ma le malamalama fou e pei ona ua i ai nei.

“Ua tele ina fa’aaoga e fai ai galuega, e pei o kopi o pepa, ia o nisi fo’i o fono e tu’usa’o ma i isi atunu’u ia ua matua’i manaia lava o nei suiga.

“O suiga lelei uma ae e ala ona leaga ia o le tagata lava ia.

Na ia fa’ailoa e ao lava ona fa’amalosia tulafono mo nei vaega uma.

“Ia o lea lava le tulaga e ao ona i ai, e tatau ona silasila fo’i le le i ona itu lelei e mafai ai ona malu puipuia le ola ole fanau.

“Aua fo’i nei manumanu i le i’a ae galo ai le upega, e lelei , e pei ona fai atu muamua ae ao lava i matua ona va’ai lelei a latou fanau.

“Ia taumafai fo’i ia mafai ona ola lelei le tele o nai o tatou tagata, ina lelei le fa’alauteleina o so’o se vaega o taumafai i ai.

“Ia va’ava’ai lelei le fanau i le taimi e fa’aaoga ai upega tafa’iilagi.

By Ilia L Likou 05 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>