O nu’u i tua e fafau ai le olaga fa’a-Samoa - Faranisisi Vitale

By Vatapuia Maiava 05 September 2016, 12:00AM

O le fa’aiuga o le vaiaso na fesiligia ai e le Fofoga o Samoa le ali’i talavou, Faranisisi Vitale, 33 tausaga  o Falefa i sona finagalo e mafua ai ona ‘ese’ese le olaga i Apia ma nu’u i tua.

“E ala ona ou fia nofo i tua nei, ona o i’inei e fafau atu ai le olaga fa’aSamoa, ae a nofo i Apia, lea e ta’u o le town area , e leai se mafaufauga lelei,  pau a le mea na o le o ifo lava i fale Kalapu , ae o tua nei a sese e fai fa’asalaga, ma e matuā mamalu Pulega a matai.” Faranisisi Vitale.

“O le tulaga ia i tua nei i si o matou nu’u o lo’o lelei mea uma, lelei le tamaoaiga i mea’ai aemaise o fa’ato’aga.

“O le olaga o le tamaititi Samoa e afua mai matua, fa’asolo atu ai lea i nu’u ia ma mea uma.

 “O le malo o Samoa e matua’i numera tasi lava, ou te tilotilo lava a’u ia i atina’e i totonu o le malo ua tele lava ina mautu le tele o le mau atina’e.

Na ia ta’ua e ui lava e le’i o’o atu se fuafuaga a le malo mo a latou auala galue ma e le’i so’o fo’i i le eletise ae  atonu e i ai lava se taimi.

“ Fa’afetai lava le faigamalo o lo’o i ai le taimi lenei i a Tuilaepa ma le vaega!

“O lo’o lelei a’oa’oga , ma o lo’o lelei atoatoa.

 “Ona o lo matou Faipule o lo’o i le HRPP, o le to’atele lava la o le nu’u nei o lo’o lagolagoina le HRPP.

By Vatapuia Maiava 05 September 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>