Lanuola Tusani Tupufia 

Faaliliu e Seagaitumua Tupuola 

O le Sui Usufono fou o le Palemene o Salega Sasa’e o Olo Fiti Vaai, ua si’i i luga lona aao ina ia auai i le Tautua Samoa Party pe a amata le Palemene. I le faatinoina o lea tulaga-o le a avea o ia ma sui usufono lon a tolu i totonu o le Palemene. 

O le Sui Usufono muamua o le Palemene mo Gaga’emauga Nu. 2 ua sui ana itumalo ma na aveeseina lona nofoa i le faaiuga o le paeaiga faa-Palemene talu ai. Ae ui o lea, o le Aso Faraile na tauva ai Olo i le palota e avea ma sui faatu tu-toatasi, ma toe fo’i mai ai e ala i se manumalo uiga ese i le faipule muamua o Salega Sasa’e, o Tapua’ī Toese Ah Sam. I sana talanoaga i le Sunday Samoan ananafi, fai mai Olo ua faanoanoa o ia i le tulaga ua o’o i ai le Tautua Samoa Party, lea na matua faatama’ia e le H.R.P.P. i le Aso Faraile, ma manumalo a ii le 44 nofoa i le 2.  Ae peitai, fai mai a ia o le a fiafia o ia e auai i Faipule o le Tautua, o A’e’au Peniamina Le’avaise’eta mai Falealupo ma Ili Setefano Taateo o Aana Alofi Nu. 2.

O le itu e faanoanoa ai e uiga i le taunuuga o faiga-palota e faapea e leai se Itu Agai,” o le faaaliga lea a Olo. “O le mea lenei ua leva ona ‘ou fai atu ai i taimi uma e faapea e tatau i sui faatutu ona vaai mo le mea e sili ona lelei mo le Palemene ae le o pati faa-polokiki.” 

Fai mai Olo e tele taimi na faafesoota’i atu ai o ia ina ia auai i le H.R.P.P.

 “Ae peitai ou te le mulimuli i lea ala talu ai faamanuiaga ma e faaaogaina,” o lana faaaliga lea. “Ou te tumau pea ia a’u faiga faavae ma mulimuli i le mea e i ai lo’u loto talu ai ua ‘ou iloa ua ia te a’u auupega uma ou te mana’omia mai le Atua e fai ai le taua. 

O le vaai i luma, fai mai Olo o le a fiafia o ia e auai faatasi ma isi Faipule e to’alua o le Tautua ma avea ma “musketeer lona tolu” na te faafetauia le malo.  Fai mai a ia o loo i ai se mana’oga ina ia a’oa’o sui o tagata lautele e uiga i le taua o le galuega a le itu agai i totonu o se temokarasi. I le avea ma Faipule muamua o Tautua, na ia ta’ua e faapea e toatele sui o tagata lautele sa faitioina lo latou tulaga i luga o le tele o mataupu.

“Sa latou faitiona le itu agai i lena taimi ma i le taimi nei o lea ua latou palota ina ia aveese le toatele o sui o le Itu Agai,” o lana faaaliga lea. O se atugaluega lea talu ai le tulaga o loo tatou i ai nei e tusa ai ma soo se mea e manaomia e le malo, latou te faasaga fai e aunoa ma le faatali ma e aunoa ma se itu tete’e.

 “E leai se mea e mafai e se tasi ona fai. O lea ua aumai le finagalo o le atunuu ma afai o le mea lea latou te manana’o i ai, o lona uiga, e tatau ona latou matua onosa’i i soo se mea e fai e le malo e aunoa ma se faaseā.  

Na faafetaia e le taitai muamua o le Tautua Samoa o Palusalue Faapo II. Na ia momoli foi le faamalo ia Tuilaepa ma le H.R.P.P.mo lo latou manumalo uiga ese. Ae mo ;le latou sipāaga lea o loo loma i totonu o le Palemene, fai mai Oloa o nisi o tulafono e tatau ona faavae. 

 “O le mea ou te fia fai atu ia i latou –ia ‘aua nei o latou o mai uma i le taimi e tasi,” o le faaaliga lea a Olo. . “E mafai ona latou o mai ta’ito’atasi ona matou faasaga atu lea e tali i latou iina.”