Ua tele fa’afitauli ua tutupu i Samoa

By Aruna Lolani 06 August 2017, 12:00AM

O le faafitauli ua iai nei lo tatou atunuu, ua tatau ona fai se auala e foia ai.

O le fautuaga lea a se tasi o matua e suafa ia Mele Apo mai le nuu o Saoluafata aua le tele o suiga ua iai nei.

E 60 le matua o lenei tina sa fai lanai a faatalatalanoaga ma le Fofoga o Samoa.

“A tatou vaai atu i mea ua tutupu, ua fai sina matuia. Ua ta’i valu i le sefulu lua tausaga o tamaiti ua tutupu ai faalavelave le fetaui. O lena tausaga, o loo laiti lava tamaiti ae o nei mea ua tutupu ai ua ova le matuia."

“O le isi mataupu, ua alu foi i luga le numera o fanau teine ua fai fanau ao lae laiti."

“E toa ono lau fanau ae e le mafai ona ou mafaufauina nei mea faapenei ua tutupu mai ae tupu mai ia latou; o se tulaga e tiga ai lota loto."

“Ua matua tele lava faafitauli ma o se tulaga lea e tatau ona tatou fai ai se fuafuaga aua le taofiina o nei ituaiga amio."

“O nei mea uma e tutupu i totonu o aiga pea le lelei le aoaoina o lau fanau aemaise foi pea e le mataala i le vaai ina o lau fanau teine."

“Ou te talitonu a o loo faia pea le tiute a matua, ae o le tele o taimi, o le fanau ua le toe fia faalogo i fautuaga e avatu. Ua manao le tamaitiiti ia e ola saoloto a ia ia.”

Sa taua e Mele o ia, o se tina e ave lona taimi ma lona malosi i le tausiina o lana fanau ma o lana galuega o loo faia i le taimi nei, o le faifaiva i figota o le sami aua a latou meaai e fai i aso uma.

“Ia tato taumafai pea e aoai le fanau aua se lumanai saogalemu ma lelei.”

By Aruna Lolani 06 August 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>