“Ua taugata lava le soifuaga i lea aso ma lea aso”

Tusia Talimalie Uta ,

47 Hits

MANAOMIA SE GALUEGA TUMAU: Ioane Aumua o loo gafa ma le tausiga o le aiga aemaise ona matua.

MANAOMIA SE GALUEGA TUMAU: Ioane Aumua o loo gafa ma le tausiga o le aiga aemaise ona matua.

O le olaga lava ia o Ioane, e faamuamua lava le tausiga o lona aiga. O lana lava ia matafaioi e faamuamua lava le vaaiga lea o ona matua ma nai ona tei.

O le taulealea lenei ua 23 ona tausaga ma o loo galue nei i le elei ina o ie lavalava ma ofu i Moataa se sa faalia e le alii o ia na te manaomia lava se galuega tumau.

“Oute sau mai le aiga toasefulu ae nao le toatolu matou e faigaluega i totonu o le matou aiga, a fua atu la i seleni ia matou te maua e le gafatia ona totogi ina le tele o mea o loo manomia i totonu osi matou aiga.”

“Ole mea foi lea, o loo tausailiili lava nisi galuega e ono maua ai se fesoasoani mo ita aemaise o lou aiga.”

“O au o se alii talavou, oute faamaoni lava i soo se galuega e tuuina mai ia te au ma ou te talia soo se galuega e fesootai mai ia te au.”

Sa maua le avanoa ale Fofoga o Samoa e faatalanoaina ai le alii ia Ioane ao agai atu i lona aiga mai galuega.

“O au ou te fatu aiga, oute galue i le matou maumaga aua se lelei mole matou aiga."

“I lenei soifuaga, ua tatou iloa uma ua tau fai tofu uma aiga ma maumaga ma o le ala faigata foi lena ona toe taulia fua ole faatoaga pea ave ile maketi."

“O se mea tatau foi lea e aoga ai le iai ose tumau e tua iai le aiga ma maua mai ai foi se fesoasoani tele.”

Sa fesiligia foi le alii pe iai ni faafitauli o feagai ma ia male latou aiga, ae sa faapea mai:

“O loo sologa lelei lava mea uma, ae pau lava lea ole faafitauli ole taugata ole soifuaga.

© Samoa Observer 2016

Developed by Samoa Observer in Apia