Tulaga Faigata ua iai le olaga

Tusia Ulimasao Fata ,

17 Hits

Samoa Pelasia

Samoa Pelasia

O le olaga lenei, e le’o na’o le moe ma fa’atalitali I vavega e tutupu.

O le saunoaga lea ma le talitonuga lea i le taule’ale’a ia Samoa Pelasia, 43, le matua o lona soifua mai le afioaga o Leauva’a-uta.

Na maua lana avanoa e talatalanoa ai foi I le Fofoga o Samoa a’o ia aga’i atu I lana ma’umaga I le aoauli ananafi mo lana galuega.

Na ia saunoa o le olaga ua iai nei ua le’o toe faigofie.

“O le olaga lea ua tatou iai nei ua le’o toe tutusa ma ma la aso I le tau o mea ua iai nei aemaise ai le tupe maua aua le tausiaina o aiga.

“O le isi vaega ua matua faigata ai lava le olaga I lenei vaitau ona o le utiuti o le seleni ua maua mai galuega fa’atusa atu I le tau ua iaia nei le soifuaga.

Na saunoa ai le taule’ale’a ia Samoa pelasia o lana galuega fai I lana aiga o le tautuaina lea I le ma’umaga.

“E matua fa’a lagolago tele le matou aiga I le matou ma’umaga I aso uma lava I meaai aemaise o nai seleni pe a fa’atau atu nai fua o fa’aele’eleaga.

“E el’o iai sau galuega I le taimi nei vagana ai lenei galuega o le fai ma’umaga o lo’o tausia ai le matou aiga e le gata I meaai aemaise o se seleni o lo’o maua mai ai.”

Na ia saunoa foi o lenei vaitau ma le olaga lea ua tatou iai nei ua le’o teo aoga se fa’ama’imau taimi I lenei taimi.

“Ole olaga lava ia ua matua faigata ia ae ua tatau foi ona tatou galulue malosi aua le galueina o tatou ma’umaga aua le tausiga o aiga I lea aso ma lea aso aemaise fa’alavelave I aso uma.

“O lo’o fa’apena lava ona tele o tatou fanua o lo’o iai na aumai e tatou galulue ai, ma o se tasi foi lea o itu o lo’o manaia ai Samoa nai lo isi atunuu.

“Ia tatou galulue malosi ma fa’amoemoe I le Ali’i aua o ia o le ta’iala mo tatou, I lenei vaitau I le faigata tele o le olaga.”

© Samoa Observer 2016

Developed by Samoa Observer in Apia