Ta’ita’i i le tonu ma le sao le Faigapalota 2016

07 March 2016, 12:00AM

Ua aga’i atu nei le Ofisa Faigapalota mo le fa’ama’eaina o le tele o galuega na o latou feagai ai.

O le galulue ai la i le Aso To’ona’i mo le tu’ufa’atasia ai o vaega uma o se agaga fiafia lea ma le fa’afetai ma o le fa’amoemoe ia o’o ma i le asō ua fa’atinoina le faitauga mulimuli aemaise o palota aloaia.

 “O le taimi lava e maua le iuga aloaia ona ave loa lea e saini mai le Afioga i le Ao o le Malo ae le’i tu’uina aloaia mo le silafia o le mamalu o le atunu’u.” Sui Ofisa Sili Faigapalota, Faimalo Mathew Lemisio.

 “O lea lava e va’avaai atu ina ia vave ona tu’uina atu v aega uma nei mo le nofo silafia ai o le atunu’u.

Sa ia fa’ailoa mai foi le agaga faafetai i le mamalu o le atunu’u ona o lo latou lagolagosua ua mafai ai ona taunu’u ma le saogalemu vaega uma na tapena atu ai mo le fa’amoemoe tele o le atunu’u.

 “E le faigofie le galuega,” o lana tala mai lea.

 “E tele fa’afitauli ma lu’itau eseese i le ma’ea ai ona fuafua lelei ni vaega uma e ao ona fa’ataunu’uina.

Sa ia ta’ua o le a taumafai e gata ai ina ia fa’atino i le ma’ea’ea ai o tulaga uma.

 “O lo’o taumafai lava i le mafai e gata ai ia aemaise o se tulaga e aloa’ia ai vaega uma.

O nisi o fa’afitauli e pei na ia ta’ua o le tatau ai lea ona sau le va’a mai Savaii ma taunu’u i le 1.30 o le aso o le faigapalota ae lei mafai ona tupu lea tulaga ona e tolu itula e sau ai le vaa mai Salelologa i le uafu i Matautu.;

Sa ia momoli le agaga fa’afetai i e na mafai ona lagolagosua mo le fa’amoemoe.

07 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>