O le Aso o Tina ua toe lava o se aga o’o mai ma ua tapenapena le aufaigaluega a le Ford Samoa mo lea aso i se faiga e matua tele lava. .O le Aso To’ana’i sa i ai le aufaigaluega i luma o le fale o le malo e faailoa atgu se ituaiga fou o le Ford Fiesta-o loo latou fuafua e foa’i atu mo le latou faalauiloa o le Aso o Tina.

 “O lenei faalauiloa mo tatou tina o la matou faiga lava lea e toe foa’i atu ai ni mea i le atunuu,” o le faaaliga lea a le Pule Faatonu i a  Simon Fruean.

 “O lenei la aso-ua matou aumaia ai lea taavale iinei ina ia mafai ona silasila i ai tagata. O le taimi muamua lenei ua matou faia ai lenei faalauiloa mo tina. O se ala lelei lea e toe avatu ai ni mea ia matou paaga, aemaise ai lava tina.”

O Mr. Fruena ma lana vaega sa i luma o le fale o le malo mo le isi mafuaga i le Aso To’anai. “Ua matou ofo atu se auaunaga e leai se totogi mo soo se ituaiga o taavale o loo i soo se tulaga,” o lana faaaliga lea.

O lenei ituaiga o auaunaga e masani lava ona $89 le tau ae ua matou ofo atu i lenei aso ae leai se totogi ma o le ituaiga lenei o taimi matou te faia ai lenei faiga.” “O ia faalauiloa e lua ua tuufaatasi ma ua na o se ala lava e toe foa’i atu ai mea i le atunuu.”

O lenei fuafuaga e le na o le faalauiloaina o a matou auaunaga ae ia faaali atu ai foi i tagata e faapea e tele mea o loo matou ofo atu i lo le na o se kamupani ma o lea ua matou tuuina atu ai lo matou taimi ma le poto masani –tusa lava pe o le a le ituaiga.”

Sa matua fiafia le Tagata Faatau o Misilei Pouniu. “E anoano mea o loo tutupu i lenei taimi e manaomia ai tupe ae o le maua o se avanoa e te sau ai iinei i lenei aso ma lau taavale mo lenei auaunaga e leai se totogi- e matua uiga ese lava, o lana faaaliga lea.

Ae mo le ono manumalo i se taavale fou o le Ford, fai mai a ia: “A tilotilo i lea ituaiga fou o le Ford Fiesta, ou te tatalo ina ia avea a’u ma tagata laki e manumalo…faafetai tele lava Hyundai, e matua silisili ese lou lelei.”

O le Ford Fiesta o lona tau e $58,000. O le faalauiloa e faamuta i le aso 5 o Me faatasi ai ma le se’iina o le tagata manumalo i le aso e soso’o ai.