Ua iloa e tagata uma e faapea o mea e sili ona lelei o le olaga e tutupu i lea taimi ma lea taimi.

E faapena le moni mo Herbert Punivalu ma Rodania Levi ae o loo osi le la feagaiga ananafi i le faagasologa  se sauniga matagofie i le falesa i Levili.

Ona o le alofa o le tasi i le isi na puna mai mo le 14 tausaga, o lea ua sili ona lelei i le taimi nei e ala i le amataga o le la malaga fou fai faatasi i le avea ma tane ma le avā.

O le Aiga ma uo na tuuina atu lagona fefiloi o le fiafia ma le olioli i le sauniga a’o latou molimauina tautoga na fai, o le faafesuiaiga o mama, o “Ioe” sa faaleoina ona soso ai lea ma le sogi o le fesuiaiga i le avea ma tane ma le avā. Ae na faapefea ona afua mai lea tala uiga ese o le alofa? Na ma fetaui ona o lo’u tausoga sa a’oga i le a’oga sa a’oaga ai ma ia,” o le faaaliga lea a Rodania.

O le Ataata i le toe manatua o le tala o le alofa a le tamaitai ma Herbert-sa na faaauauina pea. 

E faapea le tala…Na ‘ou vaai ia te ia o savali ane i ‘autafa o le auala  ona ‘ou iloa lea o le tagata tonu lava lea ou te mana’o ma te mafuta.” Na faaalia e le ulugali lo la faapalepale i lo alofa ma faatalitali pea se’ia mae’a le a’oga a Rodania-ona faatoa gasolo atu lea i le isi laasaga o le la mafutaga.

O le mea moni lava sa faatalitali o ia mo a’u se’ia uma la’u a’oga i Aukilani,” o le faaaliga lea a le faatoa nofotane ma ata. “Ona ia faailoa mai lea e fia uo ia te a’u i totonu o se fale’aiga….e le’i to’atuli o ia, ae na ona tago lava o ia tuu mai ia te au le pusa ma fai mai le anoano o mea lelei, ae talu ai ou te le’i saunia ma ua faate’ia-sa ‘ou le fia faalogo i se mea e tasi o na mea.”.

Ae i ai foi se tala a Herbert e fia faailoa mai. “Na fai mai le tamaitai ma te o i lona tausoga…na te le o manatua lena mea,” o le faaaliga lea a le alii ma tau faalili.

Sa tau mulimuli le Tamaitai ia te a’u i luma o le fale tusi ona ia maua lea o la’u numera e ala i la’u uo-o lona tausoga lea; o le mea moni lena ma o le pogai lena ma amata ai nei mea uma. Ina ua fesiligia e uiga i le tulaga maoa’e o le la sootagata, fai mai le tamaitai faaipoipo e anoano mea e tatau ona faitau.

E anoano taimi sa ma fiafia faatasi ai ma e le mafai ona ‘ou fai atu o fea o na taimi e sili ona lelei.” o le faaaliga lea a le Alii Faaipoipo.

Na ma o faatasi i le faaipoipoga a lo’u tausoga i Sini ma o se tasi lena o mea na una’ia ai le ma sootaga; na ma o faatasi i totonu pe tusa o le tolu tausaga talu ai ma o le taimi lenei na ‘ou maua ai-o ia lava lea mo a’e e faavavau.” Na ia toe ta’ua e faapea ua matua fiafia lava o ia e mafuta ma lona to’alua fou i lona olaga atoa. 

“Ua ‘ou matua fiafia lava e amata faatasi lenei malaga fou,” o lana faaaliga lea. 

“Ua ‘ou fiafia lava e amata faatasi lo ma’ua lava aiga ma faiga a lo ma’ua lava aiga E le mafai ona ‘ou faatasi e faaalu lo’u olaga atoa ma le fafine sa tau-mulimuli ia te a’u i aso ua mavae.”. Ae pei lava ona maua e alii uma…..o le to’alua lava e i ai le upu mulimuli. 

Atonu sa ‘ou taumulimuli ia te ia i le amataga, ae o ia lea o loo tau-mulimuli nei ia te a’u i lo’u olaga atoa,” o le faaaliga lea Rodania ma ‘ata’ata.