Sa’o le fa’amuamua

By Ioana Tupa’i 07 November 2017, 12:00AM

E talitonu le tama e 45 tausaga le matua ia Uini Matagi o Fasio’o uta e ao ona aoaoina lelei fanau ina ia mautinoa o le a avea I latou ma tagata matutua I le lumanai.

Maua atu e le Fofoga o Samoa lea tama a’o nofonofo ai I autafa o le auala I le aso ananafi.

Faailoa e le tama ia Uini, “ E tatau ona maua le avanoa e avanoa e aotauina ai I se siosiomaga manuia ma le saogalemu.”

O le tama nei e toa fitu lana fanau.

“ Ou te talitonu o le Aoga e pito ona taua I le  olaga o le tamaiti ma e tatau I matua ona ave le latou faataua I o latou alo.”

“ E ui ou te lima vaivai ae e lē avea lea ma tulaga ou te faavaivai ai ou te galue malosi mo le tausiga o lau fanau ina ia maua e I latou le ola fiafia mai lea aso I le aso.”

“ Taua le ola aoaoina lelei o fanau aua o I latou nei o le a avea ma taitai lelei ma faamoemoe iai le lumanai o aiga.”

“A matutua I latou nei o le a mautino foi le faamanuiaina ai lea o I latou I soo se agavaa faatasi ai ma tomai.”

Taua e lea tama o le isi itu o loo tagatagai iai o le taugata o le Soifuaga 

“ Peitai e eseese lava auala e tilotilo iai le tagata lava ia. Ma e mafai ona foia le tele o faafitauli pe afai e mafaufau lelei lava le tagata I gaioiga e tatau ona faatino aua le manuia o ia ma lana fanau.”

“O lenei olaga e le faapea na’o lou savalivali I se paka, moe I le po ala Ifo I le taeao tago atu I le taga o loo iai le fia selau tala I totonu o lau ato.”

“Ioe e tele faafitauli o le olaga ae afai e galue punoua’I e mafai lava ona e asā faafitauli o lenei olaga. “  

By Ioana Tupa’i 07 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>