Leai se galuega - Valavala

By Ioana Tupa’i 07 November 2017, 12:00AM

Na maua atu e le Fofoga o Samoa le susuga ia PSA Valavala mai Fasito’o –uta  o loo ao ana popo aua foi se taumafutaga a le aiga I le afiafi.

Taua e PSA o se tasi lea o ana matafaioi I totonu o lona aiga i aso uma.

“ O au ou te le faigaluega ae o au ou te faia uma feau o le matou aiga e ala lea I le tapenaina o le fale, faatino uma feau I totonu o le aiga ae o le toatele o le matou aiga o loo  agai atu e faigaluega.”

Sa mafai ona faasoa mai PSA i le Fofoga o Samoa e tusa ai ma le taugatā o le Soifuaga  o loo ua iai nei Samoa.

“ O se tasi lea o itu, o loo o’u fesoasoani ai I le tausiga o le matou aiga. Ma ou te lē manao e faatigaina nisi o lou aiga o loo faigaluega e manava mai toe omai fai feau I le fale.”

“ O le tele o faalavelave faale-aiga o le isi lea o tulaga o loo tele ai faafitauli I totonu o le Atunuu.”

“ A maliu se isi, faaipoipo pe faatautaia ni saofa’i e omai faatasi uma lava le aiga e tuufaatasi se fesoasoani ma e tele lava le seleni e faaaluina ai.”

“ O le tali atu I faalavelave faale-aiga e lē mafai ona le amanaiaina e se isi ona o le tatou lava lea tū ma le tatou aganuu.”

Ma e talitonu PSA Valavala e ui e leai sana galuega e fesosoani ai I mea fai a le aiga ae e talitonu e tele lava lona sao ma o loo amanaiaina e le latou aiga. 

By Ioana Tupa’i 07 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>