Sa’ili se galuega

By Ilia L. Likou 07 November 2017, 12:00AM

O le maua ai o le fa’atalatalanoaga a le Fofoga o  Samoa ma Rolando Tilo na ia fa’ailoa ai  o le olaga lenei o le taumafai lava.

Na uma aoga a Rolando i le Tausaga 12 i Nu’uausala i le tausaga ua mavae.

Na ia fa’ailoa o le mafua’aga ona o nisi o tulaga ua i ai nei le tamaoaiga o lona aiga.

“Ia e pei o lea lava le tulaga o lo’o ua i ai le taimi lenei, ma e pau lava lea o le itu o lo’o ua va’ava’ai atu ai o le taumafai e su’e se galuega mo a’u lava ia aemaise o lo’u aiga.

“O se itu taua tele lea i a te a’u lava ia, ia mafai lea ona fa’atino o so’o se galuega , aua na o le tasi lava lo’u tuafafine o lo’o faigaluega le taimi lenei.

“E pei o lea lava le tulaga o lo’o ua taumafai ai lava, ia mafai ona fa’atino o so’o se fesoaosani e talafeagai ai ma fa’aaoga tatau ai lo’u taimi.

O Rolando na aoa i le Kolisi o Nu’uausala.

“Ia o le tausaga lea na nofo ai ma le aoga, ma amata ai loa ona silasila i se faiga mo lea fa’amoemoe ina ia maua lava se  galuega.

“O le va’ai alofa lava i aiga, ona ou te le mana’o ou te alu le aoga ae fa’atuana’i le pologa o  nai o’u matua.

“Ia o lea lava le tulaga na ou fai ai ou te mana’o e tu’ua le aoga i letaimi lenei.

“O se itu lelei tele lea i a te a’u lava ia.

O le taimi lenei o lo’o tausaili sana galuega.

“E pei o lea lava le fa’amoemoe o lo’o i ai le taimi lenei, o le maua o le galuega , ua faigata nei aso.

“Aemaise ai lava le tausiga i aso fai so’o, o le uiga o la’u tala a maua le galuega ia o le a maua fo’i le fesoasoani mo lo’u aiga.

“O se itu taua tele lea mo a’u lava, aemaise o le aga’i atu ai le lumana’i.

By Ilia L. Likou 07 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>