Tautuana fanau

By Ulimasao Fata 07 November 2017, 12:00AM

O le tele o suiga ua i ai nei fanau o se itu lea ua maitauina e le tamā i a Mose Masefau o Tuana’i.

O Mose o lo’o i Samoa nei e asia ona aiga ona toe taliu ai lea i Niu Sila.

“Ia epei o lea lava le tulaga ua i ai nei si o tatou atunu’u i lenei vaitau ua tele lava ina saosaoa le soifuaga ma ua tatou va’aia lava i suiga ua i ai nei fanau.

Na ia ta’ua ua augatata matua e fa’atonu o latou fanau.

“E pei o lea lava le tulaga ua i ai nei si o tatou atunu’u ma ua maitauina lava le fa’atupula’ia o lea fa’afitauli ua le usiusita’i matua i fanau.

“O se tulaga e ao lava ona vave i ai se fuafuaga i le taimi lenei ma o se itu taua tele lea i a te a’u o le toe va’ava’ai o matua e fai lelei a latou fanau.

“Ua mou atu le lelei na i ai la aso, i le mamalu o mafutaga fa’aleaiga ae pei ua leai nei aso, ua tauau ina mou atu.

‘O se itu taua tele lea i lo’u iloa i ai, aemaise o le tulaga masani o le taumafai ina ia auai i mea fai uma aua le aga’i ai le lumana’i.

“Ia tatou fa’atino o tatou tiute, oi tatou o matua e fesoasoani tele i nai o tatou fanau.

Na ia taua e le tatau ona nofoa’i.

“Ae ao lava ina ta’itasi ma o tatou tulimata’ia le olaga nei, ua le to’e faigofie nei aaso, a tu’ulafoa’i nei e afaina lo latou lumana’i.

‘O le uiga o la’u tala e ao lava ina o tatou fa’atino o so’o se itu e mafai ai ona fesoasoani le tasi i le tasi aua le gasologa lelei ai o le ola o fanau.

“O le tele o suiga lea ua i ai, a le tu tu ‘a’ai ai, ia o lona uiga ua maua i tatou i fa’afitauli tutupu mai ma tauau ina ma’imau atu ai le ola.

By Ulimasao Fata 07 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>