Fanau o meaalofa

By Ilia L Likou 07 December 2017, 12:00AM

O lea le finagalo o le Andrew Tofilau i le Fofoga o Samoa i le aso ananafi.

Na ia ta’ua e ao lava i matua ona o latou silafia lelei e tolu lava vaega taua o lo’o fa’aa’oa’o mai ai le Tusi Paia.

“Muamua, o i latou o meaalofa, o le lona lua o le taui ma le lona tolu o u fanafana i le vateatea.

“O lo’o manino lava nei vaega, ae ona ua galo i a i tatou vaega nei aemaise o le upu lea o le taui e mafua ai ona lafo’ai lo tatou tofi.

“E le faigofie lea tulaga ma o se itu e ao ai lava ona o tatou va’ava’ai i ai aua le aga’i atu ai le lumana’i.

Na ia fa’ailoa ona o le galo e matua o le fanau o le mea’alofa ‘ o le mafua’aga lea e afua ai fa’afitauli’.

“Ua to’atele e galo lava lea tulaga ma ua o latou fa’apea ifo i o latou loto ma mafaufau , e le tatau lava ona ave ai le fa’amuamua.

“Ua galo i a’i latou o fanau o mea’alofa, ana manatua e matua , semanu e leai lava se isi e fa’atalale i ai, aua fo’i e leai lava se isi e mana’o e tia’i se mea’alofa.

“Ae o vaega nei o le Tusi Paia o lo’o ua matua’i fa’amanatu mai, ae e pei o lea lava le natura o nai o tatou tagata i le taimi lenei.

‘Ua matua’i galo nimo lava lea vaega i lo tatou va’ava’ai atu i ai, o se itu taua, o se tasi o vaega e ao ona o tatou va’ava’ai ai le taimi lenei.

Na ia ta’ua o se itu lelei le avea pea o fanau ma vaega e ave i ai le faamuamua.

“Aua nei galo matua o tatou tiute tauave ia o tatou iloa lelei le taua, ma ia va’ava’ai lelei i vaega uma aua lava le taumafai ai o le aga’i i luma o nai fanau.

By Ilia L Likou 07 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>