O le maua ai o le fa’atalatalanoaga a Vaitu’u Iapela ma le Fofoga o Samoa le aso ananafi sa mafai ona ia fa’ailoa mai ai nai fa’afitauli laiti si ona aiga. 

O le tinā e 47 tausaga le matua le soifua ma o lana fa’amatalaga foi e le au ese mai nisi foi o fa’amatalaga a nai nisi o aiga.

“O maua nei ma le tama le aiga e to’a 8 le fanau,” o lana lea tala i le Fofoga o Samoa. 

“Ou te ta’utino atu, e lima vaivai lava si o matou aiga, ae le mafai ona matou iloa ona o lo’o taumafai lava le tulaga e gata ai le mafai ina ia mafai ona maua se seleni aua le tausiga le aiga.

“E to’atolu si a ma fanau o lo’o aooga o le isi vaega matutua ua uma aoga ae o lo’o fia maua ni galuega mo e fesoasoani ai le tausiga le fanau. 

“Ia o le manatu lava e tu’u sa’o atu lava o a’u nei ma le aiga e fia maua se fesoasoani. 

“O le a lava le tulaga o le a e lima foa’i ai ia e o le na lava. 

“O matou nei e seasea maua se tupe, aua foi e leiloa po fea a maua ai se tupe e leai se galuega a se tasi e maua ai se alagatupe. 

O le augani le tina ina ia maua ni galuega si ana fanau e fa’amāmā ai le avega o lo’o la tauaveina o le tausi aiga. 

“Ia e to’alua si a’u fanua o lo’o fia maua ni a la galuega, ua uma la aoga ae o lo’o fia faigaluega. 

“Ou te talosagaina ai Samoa po ai lava e maua se avanoa faigaluega si a’u fanua ina ia maua ai se seleni e fesoasaoni le aiga.

“Sa laua fa’ailoa mai lava ia te a’u e maua loa ni a la galuega ona ea foi lea o le pologa i totonu si o latou aiga. 

“O le itu e lelei ai si o matoua aiga e galulue fa’atasi o so’o se itu. 

“O le tele o aso a lava le fa’asoa ua fa’atau mai sina falaomata e fai ai le fa’apāpā e tuli le fanau e fa’atau ae le’o le na foi ua ao mai nai popo e fai ai le fanu’u Samoa e fa’atau aua lava sina seleni.  

 “O lea foi le alagatupe o le fanau i le aoga o tupe e maua mai le fa’atauina o fa’apapa ma le fanu’u Samoa. 

“Ae pau lava lena o le mafatiaga le iai nei o le fanau ina ia maua ni galuega e galulue ai e le gata foi mo le aiga ae aua foi ni o latou lumana’i manuia.