Manatu fa’aalia o le tama ia Lui Tevaga e uiga i ali’I malu o le malo

By Talimalie Uta 08 September 2017, 12:00AM

E tolusefulu tausaga le matua o tausaga ole tama sa faaali lona le fiafia i ali’i malu ole malo e ala lea i le le fa’atinoina lelei o a latou tiute.

“I le matou nonofo ai iFalelauniu, e ese le faigata aua e fai ole nu’u le mavae a’o tupulaga foi, ese le faigata o a latou amio.”

Ole manatu fa’alia lena ale tama ia Lui Tevaga, 30 o Falelauniu ile aso ananafi a’o fa’atalatalanoa ai e le Fofoga o Samoa.

Sa fa’asoa mai le tama e ala lea i lona le fiafia i ali’i malu o le malo i le le fa’atinoina lelei o a latou tiute na tofia ai e ala lea i le le tali vave mai ole savali pea vili atu mose fesoasoani.

“E ta’u sa’o atu lava, o tupulaga ole matou itu nei tele lava ile tupalaga le mafaufau, le pulea o latou amioa ae fai lava le tagata ia,” o lana tala lea 

“Ua leiloa fo’i fai le va ma tagata aemaise le eseese o tausaga e va ai, ua alu fa’asoloatoa, ua le toe iai se kea.”

“E le’o faia sa’u tala amea o tupulaga uma o Falelauiniu, leai e patino tonu lava i tupulaga o lo’o fa’atupu vevesi nei.”

“E tusa o le mea tele lava a tupulaga nei e fai ole ta’ata’a solo ma inu pia solo.”

“A o’o fo’i ina ‘onana, ua pei lava o ni fanau o manu ma amio fa’atino.”

“I le vaiaso lea ua tuana’i atu, sa tupu fo'i se vevesi i le matou tuaoi, ua omai tamaiti tupuluga e pei male ta’i 16, 17 i le 18 tausaga sa faia lea fa’atinoga fa’aleaofa.”

“Ua o tau’ai le fale a si toeaina o lo’o nofo to’atasi  ai o  ia.”

“Sa matou topetope atu e taofi ae peita’i ua fai lava si toatele, ona faafesootai lea o ali’i malu o le malo mose fesoasoani lata mai.”

“Ae peitai, sa fiu e faatali, ua toititi atoa le fa’asefulu o vili ae e leai lava se taavale sa sau. 

“E lagona le fa’anoanoa aua o latou ia sa tauto i luma o le Atua  o le’a latou puipui le ola sa’oloto male saogalemu o tagata.

“Ole itu lava lea e fa’ali ai se galona le fiafia i leoleo i le le galulue faatasi. 

“E le’o leoleo uma, ae patino se fa’amatalaga i leoleo ia o lo’o i Faleata”, tala a Lui

“A vili atu mose fesoasoani, e tali mai lava ile ioe olea o’o atu, ae uma ifo fa’atoa taunu’u mai lava ile taeao o le isi aso .

“E lagona ai fo’i le ita aua a tutupu la fa’afitauli tetele e mana’omia ai le latou fesoasoani, 

“Ae afai ole gaioi lea, fa’afefea ona tatou malu iai.”

Sa taua e Lui o lo’o sologa lelei lava mea uma i le latou aiga, i le itu tai male eletise  o lo’o lelei atoatoa

“Pau lava si talosaga i le malo, pe mafai ona totogi motu atu loa na’o le $30,000 ole tupe e lisi motu mai ai loa matou fanua nai lo’o le tau togitogi ole $2,400 i masina uma seia maea le 20 tausaga.”

“Ae pule lava le malo ia, ua na’o se tu’u alalo lava.”

By Talimalie Uta 08 September 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>