Fa’amamao ma ta’aloga tupe

By Ilia L Likou 08 November 2017, 12:00AM

O le tele o ta’aloga bingo ua i ai nei o se  tasi o vaega ua fa’atupula’ia lona fa’aaogaina e le tele o fa’alapotopotoga mo sailiga tupe.

O lea le finagalo o le tina i a Sene Vaoesea i le Fofoga o Samoa i le aso ananafi.

Na ia fa’ailoa o se tulaga e ao lava ona toe silasila ai le tele o aiga aemaise o tinā i le taimi lenei.

‘Ia e pei o lea lava le tulaga ua tatou va’ava’ai atu mo le fa’ataunu’uina i totonu o Samoa i le taimi lava lenei.

“O se itu e ao lava ona silasila toto’a i ai aua le aga’i atu ai le lumana’i aemaise o lumana’i manuia o aiga.”

Na ia ta’ua o le tele o tagata ua ave i ai le fa’amuamua.

“E pei o lea lava le tulaga ua maitau ina i lenei vaitau ma o se itu lelei tele lea mo le aga’i atu ai le lumana’i aemaise o galuega fa’atino.”

“O lo’u ia lea manatu i ai, e le fa’apea o sau totonu o se Tusi Paia e sa ta’aloga fai tupe nei ae o lae manino mai lava e tatou te saili ile Atua ma le tele o lona Mana ma lona Tamaoaiga.”

“E le’o fa’apea mai e sail ii le tupe ma nei mau ta’aloga tupe ua i ai nei, aua e fai atu la’u ia tala o vaega nei ua fa’apea ona fa’avaivaia le tele o vaega ua i ai nei.”

“O se itu taua e ao lava ona silasila i ai aua le aga’i atu ai le lumana’i mai lea aso i lea aso.”

“O se itu e ao ona silasila i ai.

Na ia ta’ua o se itu lelei tele mo le tele o tatou tagata.”

“Ia tatou malamalama lelei o nei vaega uma, ua matua’i masofa ai le tele o aiga, ua fa’amuamua vaega nei ae ua galo ai fanau.”

“Ua tele lava ina sefe le tupe mo bingo ma ponesi ae galo ai le mea e ao ona ave ai le fa’amuamua o aiga.”

“E pei o lea lava le tele o vaega ua o tatou i ai nei, ma ia maua pea lo tatou malamala ia tete’e atu ai nei vaega ua amata ona aveese ai le aoga o tatou matafaioi totonu o aiga.”

By Ilia L Likou 08 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>