Atugaluga ona o le itiiti o totogi aso

09 January 2016, 12:00AM

Tusia - Maddison Clarey

Faaliliu e Seagaitumua Tupuola

 

Ua ta’ua soo Samoa o le ‘Penina o le Pasefika’; o le penina o le paleali’I o loo I totonu o Tusi Faalauiloa o le Pasefika o loo faaaliga le anoano o faga oneone sinasina matagofie, o niu ma fua o niu, ma le soifuaga o le motu o loo faalauiloa atu i tagata tafafa-fai mai e to’afilemu ma e leai se mea e popole ai. E moni lava i se tasi itu. Ae mo le toatele o tagata o loo soifua i le soifuaga o Samoa-e le o fiafia le soifuaga i taimi uma.

O le maoa’e o le tau o le soifuaga faatasi ai ma se tulaga leaga o totogi aso aupito itiiti, e $2.37 i le itula, o lona uiga o le tele lava o aiga Samoa ua latou maua le faigata o lea itu ma le taumafai e ola i lea aso ma lea aso. O lea atugaluga e le o mafai ona te’a ese ma le Tautua Samoa Party a ua api le uli ma le Faiga-Palota lautele.

I sana saunoaga I le Samoa Observer ananafi, fai mai le Minisita Faaolioli o Tupe a lea Vaega Faa-Upufai o Afualo Dr. Wood Salele-o le mataupu tau totogi aso lelei mo le atunuu o se tasi lea o a latou faamuamua.

Ma e ese ai mai isi lava atiina a’e o loo latou fuafuaina, o le a una’ia e le Tautua Samoa Party se silasila toto’a i le tamaoaiga ma faiga faavae faatino a le malo- e ala i se taumafaiga ina i siitia le totogi aso aupito itiiti mai le $2.37 i le itula i se aofaiga a itiiti mai o le $3.00.

E matua loto lava Afualo i lea tulaga. O lona malamalama e faapea o le totogi aupito itiiti e le mafai ona ‘ausia e tusa ai ma le tulaga o le tamaoaiga i le taimi nei-e aunoa ma le tuuina o se faatiga i le tagata e ou galuega ma e taunuu ai i le le maua o ni galuega.

Ia, o le a la se vaifofo?  Na ia fautuaina e faapea ona pau o le ala o le faaopoopoina lea o le totogi aso aupito i maulalo, tusa lava pe ala i se $0.63 e ofo atu ai se malologa tau lafoga i tagata e ou galuega, aemaise ai lava i le aufaipisinisi. 

O lenei faiga, fai mai a ia, o le a avanoa ai i latou e siitia a latou totogi aso e aunoa ma se tala telē o tupe ma le faaitiitia o galuega. E faaopoopo atu i se siitaga o tupe e maua mai totogi aupito maulalo, e manaomia foi e le Tautua Party le faalautele le tulaga o le manuia lautele i totonu o Samoa, aemaise ai lava le faaopoopoina o le fuafuaga tau penisione o loo i ai nei. 

 “I le taimi nei, o loo faaalu e le malo le tupe e tusa ma le $16 miliiona mo tupe alu tau penisione i le tausaga,” o lna faaaliga lea. “O lea tupe e na o le $125 a le tagata e maua ai i le masina. 

 “O loo matou faamoemoe e faaluaina lea tupe alu i le $32 miliona e ala i le faaaoga o lea $2.00 faaopoopo o le GDP mo le tagata e toatasi i le itula, lea o le a taunuu ai i se fuafuaga e una’ia ai le tamaoaiga, faateleina ai tupe faaalu ma le faateleina o le tamaoaiga.”

E matua talitonu foi o ia e faapea o se faaopoopoga I le fua faatatau e laugatasia ai le totogi aso aupito itiiti, ma se tamaoaiga lelei mo Samoa –o le a taunuu atu i se faaitiitiga o le tulaga tau solitulafono ma o le a siitia ai tulaga tau le soifuaga i nuu i tua o Samoa. 

09 January 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>