Ua tele suiga

By Sarafina Sanerivi 09 January 2017, 12:00AM

Na fa’ailoa e  Ps. Paulo Apulu, 42 le matua o le soifua o Lepale  le tulaga sologa lelei o lo’o ua i ai nei le amataga o lenei tausaga i ona fe’au ma ona tiute fai uma.

I le fa’atalatalanoaga ma le Fofoga o Samoa na ia fa’ailoa ai le tele  o suiga o lo’o ua i ai nei e pei ona ua maitauina i le tele o atina’e i Samoa.

“Ia o le olaga le taimi lenei ia o lea e lelei lava le gasologa ai o vaega uma.

 “E  pei e to’atele lava tagata o lo’o i ai le taimi lenei o lo’o o latou fa’apea mai e taugata le soifuaga o lo’o ua i ai nei.

“O lea lava le faitalia ai o finagalo fa’aalia a le tagata lava ia , aua e le tutusa uma tagata , e ese’ese lava manatu ma lo latou silafia ai.

“O lo’o tele lava ona faitio i le tau o le soifuaga o lo’o ua i ai le taimi lenei.

“Ia o le itu e pito sili le silafia atu i ai a omai fo’i se isi faigamalo ia ailoga a mafai ona toe sau i lalo le tau o le soifuaga.

“Ae pei ona ou fa’ailoa muamua atu ia ua tele lava suiga o lo’o ua i ai le taimi lenei, ma e maitau ese’ese le atunu’u.

“O le a alualu ai pea i luga, ia o le olaga e le mafai ona alu i luga toe sau i lalo.

“Ia te a’u lava ia o le tele o taimi o lea lava e alu  faitioga aga’i i le malo.

“E le alofia lea tulaga aua e fa’apena lava le  e pei o galuega lava o lo’o fa’alagolago ai le to’atele aemiase ai lavanofoaga e tulata le taulaga.

“O le olaga o le taulaga ia o lena , o le faigaluegalava.

 “Ae  o tua nei e mino’i lava le to’atele i le lauele’ele ma o  le itu e pito sili lea.

“I  a te a’u lava ia ia o so’o se atina’e lava o lo’o fai e le malo ia e lelei uma lava , ma o lea lava le tulaga o lo’o silasila i ai le to’atele aua le manuia o le atunu’u, ia e pei lava nai ona teuteuga o lo’o fai ma fa’atinoina, ia ae o lea lava ua lelei le taimi lenei.

By Sarafina Sanerivi 09 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>