O le galue lava - Epati

Tusia Sarafina Sanerivi ma Vatapuia Maiava ,

156 Hits

Ta’ase Epati.

Ta’ase Epati.

O le maua ai le fa’atalatalanoaga o le Fofoga o Samoa ma le tamā i a Ta’ase Epati, 46 le matua o le soifua na ia fa’ailoa ai o lo’o tau fai faigaluega uma ma le tinā o le aiga aua lava le tausiga o le aiga aemaise o o la alo e to’atolu.

“Ia o le taimi lenei e to’atolu la’u fanau, ma o se tasi o le fanau o lo’o alu e tu’ua i atunu’u mamao mo tu’uaga.

“O nisi o le fanau ia o lea lava o lo’o ave lava i le aoga.

“ Ia o le taimi lenei ua ese’ese lava taleni a le fanau , ia pe sau pe leai, ia ae i a a’u lava ia, ua aoga tamaiti, ia o le fa’atonu lava, ma ua iloa lava e tamaiti oso tatau i fe’au e fai.

“O  a’u ma le lo’omatua e ma’ua te faigaluega uma lava, ma o lo’o sologa lelei vaega uma.

Na ia fa’ailoa le tele o suiga ua ia maitauina i le atunu’u pe a fua atu i aso ua mavae.

“Ia o le olaga lava a tatou Samoa ia o le toaga lava e  fai le fa’atoaga ma o le taimi lenei ia o lea lava le atina’eina ai o aiga nu’u ma le ekalesia ...aemaise lava le ekalesia.

 “I lenei vaitaimi o lea e sau fo’i le polokalame ia o lea tau tapenapena atu le aso sa, ia e feoa’i lava i o ma o ae o le ‘ai lava le mea e tele ai le olaga nei.

“E pei ona o tatou iloa uma o le olaga lava lenei a Samoa i lo’u iloa i ai, ia o  le galue lava ma faigaluega aua lava tulaga e pei ona o tatou maitauina i lenei vaitau ua o tatou i ai.

 “Ia e manaia lava suiga lea ua i ai lenei vaitau, ia toeititi tofu ta’avale uma, ia o le leai lava ni tupe e ala ai ona le maua sa’u ia ta’avale.

“Aua o lo’u nei tagata ia o a’u ou te sau mai Savai’i ia o lo’u olaga ia sa ou u’ua le lima sene ma le tasi sene.

 “A  ou ta’ua i tamaiti le tupe lea, ia a ta’u atu i tamaiti , e talie tamaiti, ia ae o a’u o lea le olaga sa i ai i aso ua alu, sa ou ai le falaoa e 30sene le falaoa atoa.

“O vaitaimi lea na ou mauaina ai, ia o le tulaga lava e ta’u atu i tamaiti ia e pei e talie, ia ua matua’i tele lava le suiga ua i ai le taimi lenei ia o aso la a i ai se ta’avale se aiga, ia o le aiga maumea lea.

 “O lea lava ua o tatou molimauina le tele o suiga ua i ai le taimi lenei, ia o a’u ia o le faigaluega lava, ia fa’atoa toe fo’i le galuega i le aso iva.

“Ia lea ua fa’aaoga le taimi nei e totō atu ai nei vaega uma e pei o fa’i o nai talao, ia o le a le mea e va’ava’ai atu ai le taimi lenei e aoga , ia o lea lava le tulaga e tatau ona fai aua lava aiga.

© Samoa Observer 2016

Developed by Samoa Observer in Apia