Faimai le mau “O le suavai o le ola”  ma e maua mea uma i lenei olaga mo le ola ai i aso uma ae o le suavai e le mafia ona faatinoina ai se feau se tasi, aua o le vai e maua ai le mapusaga o le tagata soifua.

Ma e moomia lava se tane-vai mo le sefeina maia o le suavai ma le maimau solo.

O le augani lea a le tina ia Rosa Toetu, 37-tausaga le matua mai le afioaga o Nofoali’i.

E to’a sefulu-lua le fanau a Rosa. Ma e leai se tagata faigaluega o lona aiga e oo lava i le tama o le aiga.

Pau le tulaga o lo’o faamoemoe iai lona aiga o le toga-koko o lo’o faatauina aua se tupe maua mo le ola a ii aso uma o lona aiga.

“Faigata lava aua e leai se tagata faigaluega na’o le toga-koko o lo’o faamoemoe iai le aiga nei e oo foi le fanau aua e taoatele le fanau o le mea lava ua foai mo i matou i lea aso ua lava lena ma totoe” o lana tala lea i le Fofoga o Samoa.

Mo le tina ia Rosa o lana talosaga e mo sona tane-vai ina i afaafaigofie ai galuega o lo’o fai ne ii le felauaiga ma le sefeina o le suavai mo lona aiga.

“Pau lava lena o le tulaga o lo’o moomia ai se fesoasoani aua e toatele lava le fanau nei, ma o lo’o vave moomia ai se tane-vai a lenei aiga.

I le maua le tina o le olaga ua taugata ma lona aluga.

“Ua suisui lava lenei vaitau ma lona soifuaga ua tele le suiga ma e omai faatasi lava ma ona luitau ma ua tele ai faafitauli o lenei olaga.

Na ia faaalia tele nisi o aiga o le latou pitonii ia gapatia i le vai ae o lo’o sailiili lemu lava ina vave maua ai se tane-vai mo le aiga ma le fanau.

“Talosia ia ia vave maua mai se tali aua o le aiga nei e toatele lava le fanau ma e moomia ai lava le vai i taimi uma.