Manaomia se eletise

By Fetalai Tuilulu’u 10 May 2017, 12:00AM

O le feagai ai ma le tele o suiaga i lenei vaitau o le soifuaga ua iai nei e ese le faigata ma o nei suiga e iai lava lona taunuuga lelei ma e ao foi ona malamalama iai.

Ma e tatau foi i o tatou auga-tupulaga ona malamaama i nei faafitauli o le olaga ina ia ausia ni taunuuga maualuluga ina ia saili ma maua ai ni galuega lelei

O le manatu lea o le tama ia Semi Toni mai le nuu o Leusoalii ina ua maua atu e le Fofoga o Samoa i le aso ananafi.

“Tele suiga i lenei vaitau ua tatou iloa ma vaai tino iai” o labna tala mai lea

“E iai lava mea faale-lelei ma mea leaga i le taimi e tasi lava o le olaga

“O mafuaaga uma o nei faaleyonu ma suiga ona o le taugata o le soifuaga ua iai nei

“E leai se tagata faigaluega o le aiga nei ua na’o le faatoaga lava o lo’o faamoemoe iai le ola a ii aso uma

“To’afitu la’u fanau ae to’afa o lo’o aooga i le taimi lenei o leisi to’atolu o lo’o matou nofo fale

O le taugata lava o le soifuaga o le faafitauli tele lea

“Out e galue malosi lava i se galuega i mea o lo’o maua i o matou lava lima

“Aua e leai sa’u galuega i le taimi aemaise ai e laiti le fanau e le mafai ona faia se galuega

O le tama ia Simi ua 43-tausaga le matua na ia taua le le maua ai lea o lona aiga o se eletise i aso uma

“E le ola le matou paoa ma o lea o lo’o matua moomia ai lava se eletise aua aso timu faapenei” o lana tala mai lea

“O le tulaga moni lava ia matou te le gafatia le eletise aua e lelava se matou tupe o iai

“Pau le tulaga o lo’o fai o lo’o faatauina fa’i mai le faatoaga ina ia maua ai se tupe maua  e le’o faiatu e le’o maua se tupe ae o lo’o maua lava

O Semi ma lona aiga  o lo’o faalagolago i galuega o lo’o latou faia mai i le faatoaga i le ola ai i aso uma tusa lava po o le a le faigata o le olaga ae o tupe uma lava mea uma

“A leai se tupe e le mafai ona faia se galuega aua e moomia lava le seleni aua le faagaioina o mea fai i le aiga

“Ma out e faatagisia ai lava se fesoasoani mo se matou eletise aua out e talitonu pau lava le taimi e maua ai lemoli pe a oo ina matutua le fanau

I le tau o le soifauaga ua fai sina taugata e le’o manofonofo ai le tama ia Simi

“Out e iloa lava e le tele se tupe maua ma ii le faatoaga ae o le taumafai pea aua e na’o a’u ma lo’u toalua ma le ma fanau le fale

“Sa ou faigaluega muamua ae talu ina ma’i lo’u toalua e le tatau ai ona ou tuua ai na’o ia ma le fanau

“E taugata talavai ma nisi o tulaga ae na’o le faatoaga lava o lo’o iai

“I le le tele ai lea o se tupe maua i lo’u aiga ma le taugata o le soifuaga e le manofonofo ai ae i saili se lafitaga mo le aiga ma fanau.

By Fetalai Tuilulu’u 10 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>