Ua saini e le Minisita ni maliega taua se lua

Tusia Ministry of Agriculture ma Faaliliu e Seagaitumua Tupuola ,

153 Hits

La’aulialemalietoa Polataivao Leuatea ma James Movick.

La’aulialemalietoa Polataivao Leuatea ma James Movick.

Photos: F.F.A

Ua sainia e le Minisita o Faatoaga ma Faigafaiva, o La’aulialemalietoa Leuatea Schmidt ni pepa taua se lua tau le atiina a’e ma le faafoeina o faigafaiva tau tuna a Samoa..

O le sainia o ia pepa na faatino i lona 13 o le Fono Faa-Minisita a le Fono Tau Faigafaiva i Port Vila, Vanuatu. O le ‘Country Service Level Agreementa (C.S.L.A.) na saini i le va o le Sui Sooupu Tau Faigafaiva a le Fono a Atumotu o le Pasefika (F.F.A.) ma Samoa ma ua faamautuina ai se feagaiga e tolu tausaga tau auaunaga mai le F.F.A. i le Vaega o Faigafaiva i itu tau le pulea o faigafaiva m le atiina a’e o alamanuia tau tuna. O Samoa o se tasi lea o sui auai e to’afa o le F.F.A. ia ua mae’a a latou fuafuaga o nei C.S.L.As ma ua sauni nei mo le faatinoina.

Mo le F.F.A , e taua tele le C.S.L.A i le iloa lelei mea faamuamua a atunuu e auai-ia o le a fesoasoani i lo latou faatuina o fuafuaga tau galuega i tausaga uma ma tupe-aemaise ai o le vaevaeina o le aufigaluega poto faapitoa  ma alamanuia ina ia mautinoa ai le lagolago talafeagai i lea taimi ma lea taimi.  Mo Samoa, o le mautinoa lea e faapea o a latou faigafaiva tau tuna a le atunuu-lona atiina a’e ma le pulea o mea e faamuamua ua tuuina atu i ai faiga faavae e sili ona lelei ma le fautuaga tau le poto faapitoa mai le F.F.A. i taimi talafeagai ma se tulaga lelei. 

O se maliega lea e lua ona ala lea e mafai ai e le Vaega Tau Faigafaiva ona mautinoa e faapea o le galuega o loo fai e le F.F.A. o loo lelei ona lagolagoina. 

Na faafetaia e le Minisita o Laauli le Faatonu Aoao o le F.F.A. mo le fesoasoani faifai pea mo Samoaa ma na ta’utino ai e faapea ua noatia le malo i le faatinoina o le C.S.L.A.

O le feagaiga lona lua o le Pepa o le Tau fai malamalama i le va o Samoa ma Vanuatu, lea ua faaalia ai le galulue faatasi o setete e lua ma Vanuatu  e avea ma fu’a a le malo ma Smoa e avea ma Setete Tu-Matafaga i itu tau le faamaonia o i’a na fagotaina ma galuega tau le faamaonia.

O le a tauivi ia atunuu e lua ina ia mautinoa faamaumauga tonu o i’a na fagotaina ma ia faasoa atu ia faamaoniga-ma ia lelei ona faamaumauina e Setete e lua faapea ai ma le galulue faatasi.

Na toe faafetaia foi e ia Minisita e to’alua taumafaiga a alii ofisa a latou faigafaiva ma faamamafa le taua o le faaauau pea ona galulue faatasi ina ia mautinoa ai le lelei ma le tonu atoatoa o faamaumauga tau faigafaiva ma ia tausisia i’a na maua.

© Samoa Observer 2016

Developed by Samoa Observer in Apia