Ua tuuina atu i le Maota Gasegase o Malietoa Tanumafili i Tuasivi se pusa oloa e 20 futu o loo tumu atoatoa i oloa faa-foma’i na foa’i mai faatasi ai ma se tau faatatauina e sili atu i le $120,000 Tupe Ausetalia poo le ($228,000 Tala Samoa). 

O lea foa’i na mafai ona faatino e ala i le galulue faatasi  o le toatele o kalapu Roteri a Kuiniselani faatasi ai ma le Auaunaga a le Rotary Australian Community Service (R.A.W.C.S). O le Kalapu Roteri a Apia sa fesoasoani i le teuina, fela’ua’iga ma le tuuina atu o oloa faa-foma’i.

O nisi o mea faigaluega faa-foma’i e aofia ai moega faa-eletoroni o le falemai,  o mea e teu ai, ‘ie eseese mo le falema’i, mea faigaluega tau le Faaata ma nofoa e fai ai suesuega.  Sa auai i le tauaaoina atu aloa’ia se savali mai le Vaega o le Soifua Maloloina Lautele a Samoa ia sa latou talia faatasi oloa na foa’i mai.

O sui auai aloa’ia o le vaega e aofia ai le Minisita o le Soifua Maloloina, o Tuitama Dr. Talalelei Tuitama, le Pule Sili o le Soifua Maloloina Lautele, o Palanitina Toelupe, le Taitaifono o le Komiti o le Soifua Maloloina Lautele, o Tupuola Koki Tuala ma le Pule o le M.T.II ma Auaunga Tau le Soifua Maloloina a Savaii, o Pili Aliisolia E.S.Alatimu.

Sa tuuina atu e fai ma sui o le R.A.W.C ma Kalapu Roteri a Kuiniselani se vaega toaitiiti mai le Kalapu Roteri a Apia-e aofia ai le Peresetene talu ai nei o Tony Callaghan, Louise Main, Beverly Arp ma Christine Lade. O lea foa’i o oloa faa-foma’i ua faamoemoe o le a faamalosia ai le maualuga ma le faatinoina o le tausiga o le soifua maloloina mo tagata o Savaii.

O le taunuu lea o talanoaga faifai pea i le va o le H.H.S. i Savaii ma le Roteri ma fo’ia ai mana’oga faapitoa. 

:O le taimi lea na mata’ituina lelei ai le Faiga Faavae tau Foa’i a le N.H.S. e faapea o le sootaga i le va o tagata foa’i (Roteri) ma le N.H.S.ua avea ma tulaga o le manumalo mo tagata uma,” o le faaaliga lea a Mr. Callaghan.

O le ta’utinoga ua leva ona ta’oto tau le “Auauna i luga atu o Oe” o se tasi lea o loo faatinoina i le lalolagi atoa i le faagasologa atoa o le 34,000 kalapu a le Roteri ma o le malosi lea o loo ta’iala mo sui auai uma e 1.2 miliona. Ina ua faamaopoopoina e Colin Laurenso Foa’i o Soo se Ituaiga (i le itulagi i matū) o le R.A.W.C.S….na amata i se faamoemoe tau galuega e amata ai foa’i tau oloa faafoma’i ia e mafai ona atuina atu i le Falemai i Savaii. 

 O lea faamoemoe i le taimi nei o lea ua ‘ausia.

.Sa faamatala e Mr. Callaghan le taua o lenei foa’i tele mai kalapu Roteri a Ausetalia.  “I le avea ma vaega o se aiga tau Roteri o le lalolagi, ua ‘ou fiafia ina ua mafai ona fesoasoani mai e fai ma sui o a matou kalapu i Ausetali faatasi ai ma lenei meaalofa mata’utia i tagata o Savaii.

O le mea moni o se gaoioiga lelei lea tau le tuuina atu mai le loto ma o se faataitaiga manino lea o le Auaunaga a le Rorteri mo Tagata.” O mea faigaluega o loo faatinoina nei i ai asisiga masani mai a le N.H.S. Biomedical team a’o lei tuuina atu mo le faaaogaina i totonu o le falema’i.