Taugata le soifuaga ua iai nei
E tatau i le malo ona faaitiitia le tau o le soifuaga ae leo le faateteleina.
E le tutusa uma tagata, e i ai lava tagata e lelei totogi mai a latou galuega e iai foi isi e le lelei.
O Asi Lofa sa maua lana faatalatalanoaga ma le Fofoga o Samoa, ma sa ia taua e faigata lava le tau paketi ina o se $100 i le vaiaso.
Sa ia taua ua fai sina taugata o le soifuaga mo ia aemaise lava i le toatele.
“E taugata le soifuaga ua iai nei ae i lou a ia manatu e leai se tatou mea e mafai ona fai iai aua o le malo lava ua latou faia le faaiuga,” o lana tala mai lea.
“O se faafitauli lenei ia te au aua o lea lava tatou te ola i le faatauina mai o meaai i le faleoloa ma isi lava mea e tatau ona totogi i le tupe."
“Ae e leai lava se tatou mea e mafai ona fai ai aua e le o se mea lea a tatou e fai, o le malo lava e maua ai se fesoasoani i lea tulaga."
“O le mea lea i ai, o le tele a tupe e alu i le faatauina o meaai, o le tupe tele lena o loo iai le taimi nei ma e le faigofie foi le pakekiina o le seleni."
“Avea ia le pauga suka a faatau e $3.00, ao lea tau sa faatau muamua e na’o le $0.50 sene. O le matua tele a o le suiga lea ua iai nei pea e vaai ai le tau o le suka lea ua iai."
“Ma o le mafuaaga foi lena o loo toatele ai tagata o loo o i faleoloa Saina lenei vaitaimi."
“Ao lesi itu e popole ai, ia o le tele o mau pili e totogi, masalo e oo i le $400 le tupe e totogi ai le pili o le vai faatasi ma le eletise."
“O se faafitauli lenei tulaga ma e tatau lava ona fai ai se faatatau.”