Fualaau-aina mo le tausiga o le aiga
E le’o na’o le faigaluega i le ofisa e ono maua ai se seleni lelei mo le tausiga o aiga ma fanau, o lo’o tanumia foi le tele ma le anoanoa’i o tupe i le eleele
O le tama ia Semi Ah Sam, 43-tausaga le matua mai Falelauniu ma Saleimo na maua atu e le Fofoga oSamoa i le aso ananafi o fai lana galuega i lona fanua i Falelauniu i le maligi o timuga
E to’aono le fanau a Semi ma na’o le toafa o lo’o ao’oga ma le toalua o lo’o i le fale ma o le galue a ii le togalaau-aina e le’o na’o se galuega a se tagata e toatasi ma o le tama ia Semi o lo’o galulue uma lava ma lana fanau
“E galue lava le togalaau aina ii lo matou aiga i Falelauniu, ae e ese foi leisi a matou fanua i Saleimo o lo’o faia e saili ai sina seleni mo le atina’eina o fanau ma aiga
“E lelei toe feololo le seleni maua mai i lea faatoaga aua a galue lava le tagata ia mo lona aiga e leai se mea o lea ola faalagolago ai fua
“E maua lava le silia ma le selau tala i le aso ae o nisi aso ua e fetaui foi aua e eseese lava tagata ma o latou uiga
“Tusa lava po o lea le taugata o le olaga aemaise ai o le fesuisuia’i mai o le tau i lenei vaitau ae e galue lava mo fanau
E iai nisi o faafitauli e feagai pea ma le tama ia Semi i lana galuega o lo’o faia
“O iniseti faalafua” o lana tala mai lea
“Ma out e talitonu foi e lele’o na’o a’u le fai faatoaga o lo’o maua i lea tulaga
“E faaleagaina ai le tele o fua o faaeleeleaga ma le toe maua ai ni fua o ia fualaau aina aua le tausiga o aiga i aso uma
“O le faatoaga nei o lo’o faamoemoe iai le matou aiga i pili o le vai ma le moli ma o lo’o totogi i masina uma. “Aua a fua atu iai i le tau o le soifuaga ua iai nei ua fai lava sina taugata pe a fua atu i aso ua mavae ae o le taumafai lava e atia’e aiga i mea ua maua
“E le aoga foi le ola faalagolago ae a tinou lava le tagata ia mo lona aiga, e maua mea uma ma le fiafia ma le filemu
I le faamanatuina ai o le Aso Sa o Tina i lenei vaitau o le meaalofa sili lea a le tama ia Semi mo lona toalua o le faatau lea o sona ofu fou mai le faatoaga-aina
“O le manaoga lena o lo’o iai nei tusa lava po o lea le leaga o le tau e taumafai lava ina ia matagofie le tina o le aiga mo le latou Aso Faapitoa i lenei tausaga.