Fesoasoani pea Saina i le atina’e o Samoa

By Fa’aliliuina: Ilia L Likou ,

137 Hits

FA’AFETAI: Fanau a le Aoga Tulaga Lua i Sapapali’i, Amepasa a le Malo a Saina, Mr Xuefang Wang ma nisi o sui o le malo.

FA’AFETAI: Fanau a le Aoga Tulaga Lua i Sapapali’i, Amepasa a le Malo a Saina, Mr Xuefang Wang ma nisi o sui o le malo.

Ua so’oso’o tau’au nei le malo o Saina ma le afio’aga o Sapapali’i i Savai’i aua lava le lumana’i manuia o  fanau.

Na fa’amautuina lenei mafutaga vavalalata i se Feagaiga mo le 30 avanoa sikolasipi mo fanau aoga a le Aoga Tulaga Lua i Sapapali’i lea ua fa’aigoaina o le  Guangdong Huizhou Friendship.

 “O lenei sikolasipi mo fanau aoga na fa’atupeina e i latou i Guangdong mai le taulaga o Huizhou i Saina,” o le saunoaga lea mai le Amapasa o Saina i Samoa nei, Xuefeng Wang.

 “O lenei tausaga e tusa ma le 120,000 le aofaiga o le tupe na tu’uina atu i le silia ma le 1,000 mo aiga e le lava le fa’asoa i le to’atele o fanau aoga mai le 20 Aoga Tulaga Lua ma Kolisi e 10 i totonu o Samoa, aemaise o nisi mai e 20 mai le Iunivesite o Samoa, 

 “O le aso e 30 le fanau aoga i Sapapali’i nei ua maua nei fa’amanuiaga i le taimi muamua mai lenei Feagaiga,

 “O le manatu maualuga lava, o le a tele se sao o lenei fesoasoani mo le fanau ina ia tutupu ane o ni fanau e lelei lona a’oa’oina i totonu o nu’u, aiga ma le atunu’u.

E pei ona silafia ai o lenei Feagaiga na sainia i le va o Samoa ma Saina i le aso 11 Novema 2015.

O lenei Polokalame e tolu tausaga ma o se faiga pa’aga a Samoa ma Saina aua lava le si’itia o le tulaga lelei o a’oa’oga i Samoa nei.

O le manatu maualuga lava ia aoga le fesoasoani mo nai fanau o lo’o i ai le manaoga tau tupe i a latou a’oa’oga, ma ia aua nei avea ma tupe ma se tasi o vaega e ono saisaitia ai i latou.

 “O lenei fesoasoani o le a tu’uina atu mo le totogiina ai o a latou pili aoga ma nisi o vaega taua mo a’oa’oga

 “E tolu vaega o lo’o lavea ai i totonu o lea fesoasoani, e aofia ai aoga tulaga lua, Kolisi aemaise o Iunivesitae.

O le tausaga e 2013 na fausia ai le faleaoga i Sapapali’i, ma o le lona sefulu a’i lea o faleaoga i aoga tulaga lua ua fausia e le fesoasoani mai  Saina.

Na mafai fo’i ona faimeaalofa atu Saina i le tele o tusi aoga, o meata’alo ma le tele lava o mea e aoga mo fanau.

 “I le silia ai ma le 40, o Saina o se tasi lea o atunu’u ua ausia nisi o vaega lelei o lona tamaoaiga,

 “O le mea e pito sili ona taua i le una’ia ai o so o se atina’e i totonu o so’o se atunu’u o le ave lea o le fa’amuamua i a’oa’oga,

 “I le tele ai mau vaega tau a’oa’oga o lo’o fesoasoani ai, o lo’o fa’apea ona i ai le fesoasoani mo le tele o atina’e,

 “O lo’o ua matou tu’uina atu fo’i le tele o faiaoga mai Saina mo vaega tau i le Gagana e fesoasoani i faiaoga i aoga tulaga lua ma Kolisi i le atunu’u,

 “O Iuni i le tausaga lenei, e 11 le fanau mai le Iunivesite a Samoa na mafai ona o’o atu i Saina mo sa latou malaga i le 10 aso, ma na tele vaega na o latou asia e pei ona i ai Beijing, Shanghai ma Guangzhou. E le gata i lea o fesoasoani i masini fa’aonaponei  i le tele o aoga.

© Samoa Observer 2016

Developed by Samoa Observer in Apia