Manatu O Le Fa’atonu - O le Fo’ia o a tatou faafitauli

By Mata'afa Keni Lesa 13 August 2016, 12:00AM

Ou te mua’i faailoa atu lenei mea i le amataga. O le aganuu a Samoa o se aganuu matagofie tele i le lalolagi e tusa ai ma la’u vaai. I le avea ma tagata Samoa mitamita, e leai lava se isi auala ou te maua ai-mea faaletonu ma mea uma. 

Aisea? O i tatou o tagata Samoa. O la tatou aganuu-pe tatou te malilie i nisi o vaega pe leai-ae o se vaega lea o tatou tagata. O loo tatou faasinomaga lena. Ma afai e te matua malamalama i le taua o le aganuu a Samoa, o le a e iloa le pgai e matagofie ai.  E tupu ma ola le tatou aganuu i le faaeaea, alofa, faaaloalo ma le faiga masani o le faatau alofa. E faasino i le fetausia’i o le tasi i le isi, faamuamua o isi ia te oe. I se tasi itu, e mafai ona finau mai se tasi o le aganuu faale-Atua talu ai o le faamamafa i taimi uma o le faaeaea, alofa ma le faaaloalo. O tulaga ‘anoa ia ua uiga ese ai le manaia o le aganuu a Samoa e tusa ai ma lo’u manatu. 

Atonu e te le auai ae o lena lava e lelei. O se lalolagi sa’oloto lenei e agavaa ai tagata uma lava i o latou manatu faaalia-pe afai e faaalia i se tulaga faatuatuaina e aunoa ma le lafilafi i igoa e le moni faatasi ai ma le faamoemoe ia afaina ai se tasi-poo se vaega o tagata. 

Ia-aisea la ua tatou talanoa ai e uiga i le aganuu i lenei aso? Ia, o le masina talu ai-na lomia ai faasalalau se tala i le itulau i luma o lenei nusipepa ua faaigoaina “O le Mitamita vale ua matua matūtū ai le toto o lenei atunuu”sa matua silafia e tagata. O lea tala sa faaalia ai se matai, o Molio’o Petelo Peters, lea sa talanoa mai e tete’e i le malosi o faiga faale-aganuu, ma amata ai se talanoaga lea e tatau ona matou faaauauina. 

“E anoano tagata o loo tauivi, tagata o loo taumafai e faafesoota’i pito e lua. O la tatou lava aganuu ua matua matūtū o tatou toto ona o mea e pei o maliu,” o lana faaaliga lea. “E toatele tagata e auai i maliu i aso nei faatasi ai ma le manatu ia mau ai ni ona manuia poo le maua o se mea mai maliu ma le iloa lelei e faapea o i latou o loo talimalo e matua tele lo latou mitamita e teena ai ia mea.

 “E o mai tagata ma meaalofa laiti ona o ese lea ma se pusa o taumafa tuu-‘apa e telē lona tau; o isi e leai lava ni meaalofa e o mai ma latou meaalofa ae manana’o ia maua ni mea mai tagata talimalo o loo tauivi. E le o se alofa lenei mea, e le o faaalia i lenei mea se alofa aemaise ai lava i le itu tau falelauasiga pe a manaomia e le aiga le alofa uma e mafai ona latou maua ona o le maliu o se tasi.”  

Na ia toe ta’ua: “Tatou te manaomia ona fai ni suiga e tusa ai ma le ala o mea o loo tutupu ne ii totonu o Samoa; ua iloa e tagata uma le tauiviga a faapotopotoga e tali ai ni malo mo falelauasiga-ma o lea e tatau ai ona tatou mafaufau ia tatou tupulaga o lalovaoa.

 “O le a tutupu a’e a tatou fanau ma ia lava tauiviga o loo tatou feagai nei pe afai tatou te le faia se suiga. Na faaalia e Molio’o le tele ni mataupu taua tele. Ae peitai-o le a se manatu o isi tagata? Fai mai le Faatonu o le Nofoaga mo Mataupu Tau Samoa i le Iunivesite Aoao o Samoa (N.U.S.) o Leasiolagi Dr. Malama Meleisea, e moni e faapea o le faatioina o le aganuu ua matua taugata lava. “Ua ‘ou taua le upu ‘faatinoga’ ona o la tatou aganuu e le tatau ona avea ma aganuu taugata, ae ou te lagona o tatou tagata ia ua mafua ai ona taugata ma e anoano mafuaga e pogai ai,” o lana faaaliga lea.

 “O se tasi o ia mafuaga o le mitamita ma le fia (mamalu) poo le faatusatusa o le mamalu ma soo se mea e te tuuina atu ona manatu ai lea o tagata o le tele o mea e te tuuina atu o le tele foi lea o le mamalu e te maua.

 “Ou te le manatu o le tulaga lena e tatau ona i ai. Ua taumafai tagata e faatau le mamalu i tupe ma o se tasi lena o faafitauli o lo tatou feagai; e faapea o le mamalu o tagata e faalagolago i le tele o mea i luga o isi mea. 

 “O le manatu o le tatou aganuu na aloa’ia i le tele o tausaga e faapea o le tele o mea e te tuuina atu-o le tele foi lea o le mamalu poo le faaaloalo e te maua. Ou te manatu o se manatu lea e le talafeagai ai.” E tusa ai ma Leasiolagi e leai se tasi e tuua’ia vagana ai i tatou lava. “Ou  te manatu o le tulaga ua tatou i ai nei –o le mea na tatou luluina mai a tatou lava mea faatauaina i totonu o le tatou aganuu. O le uiga o la’u faamatalaga lena e faapea e leai se isi tagata tatou te tuua’ia vagan ai lava tatou,”o lana faaaliga lea. E peiseai ua tuua’ia e tagata le aganuu ona o le mea ua tupu i totonu o le aganuu e aunoa ma le iloa o i latou lava ia o loo una’ia mea ua tulai mai le taimi nei. O lea la ou te manatu ai-o le mataupu tau le faaalaoalo ma le mitamita e tatau ona vave sui. 

O se manatu manaia tele. Ma matou te matua lagolagoina. Ae moni o se mea leaga se aganuu taugata?.Ailoga, e tusa ai ma le Faauluuluga o le Vaega o Pisinisi ma galuega Tau Pisinisi  i le N.U.S o Seve Olototo Seve. 

“O gaoioiga tau le Aganuu e matua una’ia ai lava le tamaoaiga, e faapena le faagaoioiga o le tamaoaiga,” o le faaaliga lea a Seve. “O sauniga tetele faale-aganuu lea e faaalu ai e aiga, faalapotopotoga tetele, ekalesia ma nuu le tele o tupe –e matua fesoasoani tele i le tamaoaiga talu ai –o loo latou tuuina atu tupe i totonu o pisinisi, ona mafai ai lea e pisinisi ona faafaigaluega tagata ma totogi lafoga i le malo ma o le faiga lena e faataavale ai mea.  

 “Ua outou silafia o na lafoga e fesoasoani i le malo e totogi ai auaunaga taua; G.S.T.lea e fesoasoani e totogi penisiona o le tatou ‘au-penisione; e tuuina atu galuega i tagata e maua ai o latou totogi e tausi ai o latou aiga.” Ae le ona pau ai lena. “O le tele lava o gaoioiga a o tatou aiga; tatou te maua le fesoasoani tele mai aiga i atunuu mamao-o lona uiga-o loo i ai le tupe o loo sau i totonu ma e fesoasoani i le tamaoaiga; o lona uiga la-o loo ona galueaina isi tupe maua.

 “E le gata ina latou auina mai tupe ae latou te malaga mai foi iinei, o le toatele o i latou o le a faaaogaina taavale totogi ma mea na mea uma-ma o lona uiga-o le a tele tupe i totonu o lo tatou tamaoaiga.”. O lona uiga la-o le a i ai faamanuiaga lautele.

 “Na te le aumaia faatasi sui o le aiga,” o le faaaliga lea a Seve. “O se ala lea e toe mafuta ai aiga; sauniga faale-aganuu, e pei lava o isi mea uma, e i ai lava ona lu’itau ae i ai foi sona itu lelei. “Ou te le manatu o faiga faale-aganuu ua tafetotoi  ai lo tatou atunuu; e leai se tasi e faapea ua fana e tusa ai ma se faamatala-ona ua le faia sana saofaga i mea fai a le aiga. “Ia-e sa’o foi Seve e tusa ai ma lona finagalo, a ‘ea? 

O le mea moni lava ia e faapea mo le tele o tausaga e o’o mai i le taimi nei-o le tatou aganuu-a pa’ia loa faalavelave-o le ‘auga lea o faitioga malolosi. O le auga o se faitioga, e pei ona faaalia e Molio’o ma le toatele o isi, e faasino i le faaaoga sese  ma le soona fai e mafua mai le mitamita vale ma le fia iloa. 

E sa’o lo latou manatu. Ae peitai-o lona uiga ‘ea e leaga le tatou aganuu? O le tali i lea fesili, o le a ‘ou oto atu ni upu mai se pepa na tuuina mai e le Ao o le Malo, Lana Afioga Mamalu Tui Atua Tupua Tamasese Efi i nai tausaga ua mavae atu, na faamanatu ai i latou na afaina i le Tsunami o le 2009. O le Ulutala “O lē e lave i tiga, o le ivi, le toto, ma le aano –na saua i le malelega a le Ao o le Malo le mataupu tau “Faalavelave o Aiga ma ona uiga lautele.”

Malele Lana AfiogaTui Atua: “I Samoa-o le upu faalavelave-o lona uiga moni lava o se faauilavea.  E tautala i le faauilavea i se fuafuaga masani a le aiga. E tatau i Aiga ona toe faamaopoopo so latou aso poo se vaiaso ina ia mafai ai o mai faatasi sui o le aiga mo ni alamanuia ia lava e faatino ai o latou noataga tau faalavelave. I taimi ua mavae o faalavelave e mafai ai mo le avega o le faatulagaina o sauniga a aiga tetele ina ia mafai ona tausoa.  O le talitonuga e faapea o le auai i faalavelave  o aga ia o le fetauia’i. I lona tulaga moni-o nei faiga o faaaliga ia ma faatinoga o le alofa o le aiga ma le mafuta faatasi. Latou te faatinoina le mea sili o le alofa faale-aiga. 

“O le aganuu a Samoa ma lona faaaogaina e maua ai vaega e tele o faiga autu ia e taua i totonu o lenei manatu.  O loo i ai se muagagana lauiloa – ‘A e iloa a’u i Togamau, ou te iloa foi oe i Siulepa (o lona uiga moni, a e faia se mea leleli mo a’u i Togamau, ou te taui atu i Si’ulepa)’.  O le faatinoga fetauia’i o le aganuu poo le tiute o loo manino lelei i totonu o mea faatino faale-aganuu tau faalavelave e le una’ia e na o le mea e maua e le tagata e fai ma taui. Ae tatau ona una’ia e le iloa e faapea a faatino faatasi ai ma faamoemoega e sili ona lelei –o lona uiga-o le taui lea o se tasi ituaiga. 

“O manatu faaalia mata’utia e masani i taimi uma ona faasino i faalavelave i aso nei-o ni talosaga ia mo viiga. O loo manino lenei itu i totonu o le talanoaga i le va o se alii poo se matai o lo’u aiga ma lona tuafafine.  O lenei matai, lea e mau i Ueligitone, na telefoni mai i lona tuafafine, ma fai mai malie:”o lea ua uma le faalavelave, ae masalo ua galo ia te oe sau saofaga?” O le tali a le Tamaitai:   “Vaai oe si o’u tuagane foi, o se tasi o a’u tatalo faatauaina e faapea: Le Atua e, avatu ia matou i le lagi a’o lei ulagia e matou fanau le mea ua matou talosagaina ona o le tele na’ua o faalavelave!” “Ua faatinoina e le tsunami le ata moni mo le toe fuafuaina o faalavelavve.  

 “O le faatulagaina o le fua o le faaleagaina ma le aofai o tagata maliliu, afaina ma manu’anu’a na matua aofia ai le atunuu i se tulaga tele ina ua mavae le tsunami lea na avea ai falelauasiga o e na maliliu ai ma mataupu faigofie. 

 “O le aofai lava ia o tino ua amata pala sa manomia ai le vave tanumia sa fua lava i le taimi e fai ai falelauasiga, faapefea ona fai, o fea ma o ai e tatau ona auai. A ui atu i le taavale i mea o fai ai ia falelauasiga ma le leai o se nuu o potopoto i le fale o loo falelauasi ai ma le pese Eleni lea e masani ona lagolagoina e le solo i le falesa ona soso ai lea ma le fanua tane, sa matua manino mai lava.

 “O le tulaga faigata ua tatou masani ona vaaia i se falelauasiga faa-Samoa aemaise ai lava o se falelauasiga e fai i totonu o nuu, ua matua faaitiitia lava ina ia leai se mea e mafai e se tasi vagana ai le fesili: o le a se vaega o lea faamoemoe tatou te manaomia moni? Faamata o le a leai se uiga o a tatou falelauasiga ma tulaga faale-aganuu o le a leai se uiga ma se aoga pe a tatou tuuina atu i le aiga faanoanoa ma leai se mea tatou te manaomia mai ia i latou poo le talia o le mafai e mafai ona maua mai? Faamata e afaina le tulaga mamalu o lē ua maliu ma lona aiga e ala  i le tuuina atu o se fesoasoani

 “O Falelauasiga o lona faamoemoe ia tuuina atu se fesoasoani (tau tupe ma le alofa)ma fai le amiotonu, o lona uiga, ia faamamalu le manatua o ia ma le tofi tuufaasolo o le ua maliu. Ae peitai-o  falelauasiga faa-Samoa ua matua taugatā lava ma faatiga, faatasi ai ma nisi o aiga e o atu i le tuugamau ma aitalafu tupe, mafaufau ma le agaga pe a mae’a.  “O le faafitauli lautele o le matamuli pe a maua e le lava alamanuia a le aiga  e maoa’e ma ua tonu ai i faauluuluga o le aiga e leai se mea e faia ina ia alofia ai. e aofia ai ma le faavaeina o se aitalafu mo auga-tupulaga.

 “O le tulaga masani ua aliali mai o falelauasiga o le tsunami, faatasi ai ma ni faafitauli laiti ma le faalavelave lea o loo siomia ai latou, e le’i maumau ai ni foliga ona o lo latou faatauva. Ae ua latou iloa ai e faapea ua latou faamanatu mai ia i tatou le mea moni e taua.  “E tusa ai la ma lenei itu, e ese ai ma le faatiga maoa’e mai le tsunami ua faate’a ma faamamaina.  

Tatou te ono faapea na ia faamalosia i tatou e tali atu i o tatou moomooga ma mea faatauvaa, sa matua luluina ai tatou ma aveeseina o tatou ufimata mai le faatiga ma le faaaogaina o lea tulaga faaletonu i falelauasiga ma le faia o soo se mea e leai se aoga e ese ai mai le mea autu o le gaoioiga tau le faamanatuina o le ola ma tuuina atu le faamafanafana mai le faanoanoa ma le tiga. “E tusa ai la ma lenei itu, e ese ai ma le faatiga   

“I se otootoga, na una’ia tatou e le tsunami e fesili O pagatia ou aiga ona o tatou lava faamoemoe le talafeagai ma le soona fai? Afai o le tali o le ioe, o lona uiga e tatau ona tatou faatali teisi se’i faatulaga pe aisea ua faapea ai.”

O se mataupu manaia tele ma matou te matua lagolagoina Lana Afioga i le Tui Atua. 

Ae peitai-o se talanoaga lenei sa tatau ona faaauau pea faatasi ai ma le faamoemoe ina ia fai ni suiega tatau o loo manaomia ina ia mafai ai ona malu puipuia le tatou aganuu lelei ma una’ia. O le a sou manatu? Faasoa mai ia i matou ou manatu!

By Mata'afa Keni Lesa 13 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>