Filifili le auala o lo’o e mana’o ete lelei ai

By Talimalie Uta 12 September 2017, 12:00AM

‘Aua ne’i suia lou tagata ina ia e ta’uleleia ai ile va’aiga lautele, sui lava lou ‘oe tagata aua se lelei mo lou ‘oe lava tagata

Ole manatu fa’aalia lena ale ali’i talavou ia Derek Suetena a’o fa’atalatalanoa ai ele Fofoga o Samoa ile aso ananafi

O Derek e mai ile afio’aga o Faito’o uta ma o lo’o nonofo fa’atasi ma ona matua ma nai ona tei e to’a lima.

E le’I uma a’oa’oga a Derek, sa fa’amutaina ile vasega 13 ona e leai sona naunautaiga iai e tusa lava pe taumafai e le tumau iai lona fiafia.

“E moni lava o tamaiti I lo’u tupulaga e tatau lava on fa’amaea a’oa’oga aepeitai ua fiu lava e taumafai e leai lava se naunau iai, ua na’o le maimau ai o tupe a matua

“Ole mafua’aga lea ua o’u nofo ai male a’oga e fai se feau aoga ile fale nai lo’o le alu fua ole malosi ile aoga pe afai e le’o naunau iai le loto.”

“Ae e le fa’apea e nofo loa ile fale na fa’amuta ai loa ina le ola sa’ili’ili… ole taimi nei, o lo’o nofo ile fale e fai feau ma sai’ili’ili avanoa e fa’aoga iai le malosi.”

Sa fa’apea mai fo’i le ali’i e tele lava le tomai o lo’o lelei ai

“Tala sa’o lava, o a’u oute lelei ile igisigia po’o le fa’aleleia lea o itu ua fa’aletonu o ta’avale, e o’o foi ile toe fa’aleleia o masini ua leaga oute iloa foi toe fai…

“O nei tomai, o’ute lei mauaina mai I a’oa’oga, sa o’u tuputupua’e lava ma va’ava’ai i o lo’u tama male uso o lo’u tama aua o laua uma e iai le tomai lea

“Ia ole moemiti fo’i lea mo a’u ile lumana’i, ia pei o lo’u tama  ma ia fa’aoga lelei taleni.”

Sa fa’asoa fo’i Derek e fa’atatau ole tuua ole olaga aoga

“O a’u lava ia, e alai ona fa’amuta le ola a’oa’oina ona ole auala lava ua o’u filifiliina ma ose mea fo’i oute mana’o iai

“Aua ua avea lo’u tu’ua ole olaga a’oa’oina ‘ua o’u iloa ai lo’u tagata moni male mea oute mana’o iai ile lumana’i,” o lana tala lea

“Oute le’o fa’ape atu amea e le’i iai se aoga ole olaga a’oa’oina i lo’u nei tagata, leai.

“Tele lava mea sa ou mauaina mai ile olaga a’oga… le gata ua o’u iloa ai faitau ma fai le numera ae  ua mafai ai fo’i ona iloa mea ese’ese o lenei olaga.”

By Talimalie Uta 12 September 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>