Aua le nofoa’i

Tusia Ilia L Likou ,

17 Hits

Fotuipule Iese o Siufaga Savai'i.

Fotuipule Iese o Siufaga Savai'i.

O le olaga lenei e ala ona matitiva o le nofonofo ae le galulue.

O lea le finagalo o Fotuipule Iese o Si’ufaga Savai’i i le aso ananafi.

“E pei o lo’u ia lea taofi o a’u i le taimi lenei, o le taumafai ai ina ua una’ia pea ona o tatou galulue."

“O le itu mautinoa e fa’agalogalo loa i le tiga o lo’o ua i ai le taimi lenei ona o le taugata o le tau o le soifuaga."

“O lona uiga ua tupu le mala, ma ua faigata lava ona fa’atino o so’o se taumafaiga aua le tausia o aiga ma fanau."

Na ia fa’ailoa o galuega a matua  o lo’o ua alu ai lava le taimi lenei.

“Ia e pei o lea lava le soifuaga na ola mai ai o matua e galulue lava, ma o lea lava le vaega e una’ia ai lava ina ia taumafai e atia’e aiga i le itu e mafai ai."

“Ona fa’apea lava lea ona fa’atino o vaega uma aua le aga’i atu ai le lumana’i."

“O se itu e ao ona silafia lelei e nai o tatou tagata, aua  o le uiga o la’u  tala, e nofonofo loa ae le galulue ia ua o tatou iloa uma lava le tala."

“O nei lava aso, ua le aoga se nofonofo ma moemoe i le aso atoa i le fale ae ao lava ina o e galulue e manuia ai o so’o se taumafaiga ua i ai nei."

“A le mafai ona o tatou galulue o lona uiga, ua pagatia tatou."

“O tatou lava e ao lava ona fai ma fa’ataitaiga lelei mo nai o tatou fanau, ona manuia ai lava lea o le aga’i atu ai le lumana’i aemaise o galuega fa’atino."

“O le itu e sili ona taua ia o tatou malamalama i le tulaga ua tatou i ai nei, o le itu taua ia faia o vaega uma mo le lelei alu i luma o aiga."

“Aua tatou te fa’atalitali se’i uma timuga, ae ao lava ona galulue pea, ia o’o mai aso leaga ae e faigofie ona o tatou tali atu i a ii suiga o le soifuaga."

© Samoa Observer 2016

Developed by Samoa Observer in Apia