E iai lava le auala

By Ulimasao Fata 12 November 2017, 12:00AM

E iai lava le auala e mafai ona foia ai le taugata tele o le soifuaga.

O le saunoaga lea Fa’auma Ta’alo  38 le matua o le soifua mai le afioaga o Tanugamanono.

Na feiloa’i atu le Fofoga o Samoa ma le taule’ale’a ia Fa’auma Ta’alo a’o ia savali e fa’atau atu ana chips i le vaiaso na se’i atu nei.

Na ia taua ai foi ua taugata lava le tau o le soifuaga ae o le faatauina o ana chips o lana lea auala o lo’o tau foia ai le taugata tele o le soifuaga.

“Ua fai lava si taugata tele o le soifuaga ae ua matua a’afia ai lava i matou."

“O la’u lea galuega o le fa’asavali’ina ma fa’atau atu i aso uma vagana ai le aso Sa.”

Na taua foi e le taule’ale’a ia Fa’auma Ta’alo le faigata o lana galuega o lo’o ia faia ae ua leai lava se isi auala.

“E faigata tele le galuega o le fa’asavali’ina ma le fa’atau atu o nei chips ona o le amoina o lenei ato o lo’o iai i totonu chips."

“Ia ae uma a’e le aso ia oua na’o le pau lava lea o le galuega o lo’o maua ai se seleni aua le tausiga o le matou aiga.”

Na ia saunoa foi i le auala o lo’o fa’aaogaina e lona aiga aua le taugata o le soifuaga.

“O a’u lava lea o lo’o galue i le matou aiga ma tausia le matou aiga mai tupe maua mai le chips, ia aemaise le totogi’ina o pili o le fale."

Na ia saunoa foi o lenei vaitau ua le toe aoga ona faitio i le taugata o le soifuaga ae ua tatau ona galue malosi ina ia foia.

“A na’o le faitio, e le toe taugofie ai le tau o le soifuaga ae sili lava le taugata mai a’o lea e galue e fa’asavali le ato chips.”

By Ulimasao Fata 12 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>