Saili galuega mo le atina’eina o le aiga

Tusia Seia Soloi ,

62 Hits

Leafaitulagi Sauvao Fusi.

Leafaitulagi Sauvao Fusi. (Photo: Sei’a soloi)

O le naunautaiga o matua ina ia maua ni a latou galuega aua le tausiaina o fanau ma le aiga.

E faapena le manaoga o le tiina ia Leafaitulagi Sauvao Fusi, 28-tausaga le matua ma ii le afioaga o Faleasi’u, o lo’o tau saili sana galuega i le taimi nei e fesoasoani ai i lana fanau.

O le manaoga o  le tina ia mafia ona fesoasoani i mea fai a lona aiga aemaise le faa’ao’ogaina o lana fanau.

“Ua ou sauna lava e talia so’o se galuega e  maua mai aemaise o lea maua ai foi lea avanoa mo au e aoaoina ai aua lo’u aiga” o lana tala lea i le Fofoga o Samoa.

I le taimi muamua na faigaluega le tina aeoeitai ona ua leai seisi o lona aiga e nofo e vaai lana fanau ua tonu a ii lona mafaufau lona nofo ai loa.

“Matou te nonofo faatasi ma la’u fanau i aso uma”“So’o se galuega lava o le a foai mai e se tagata mo au out e talia lava aua o lo’o moomia lava se tupe mo le fa’aao’ogaina o la’u fanau

“O la’u faamuamua e mo la’u fanau ma a latou aoga.

E to’a le fanaua Leafaitulagi o lo’o aoo’oga ma le toatasi o lo’o nofo i le fale.

“E ese le faigata aua o le tala moni lava ia e leai seisi o lo’u aiga e faigaluega e o’o lava i le tama o le aiga e maua mai ai se tupe.

“Mo a’u lava ia e tatau ona o’u malosi mo lo’u aiga aemaise la’u fanau o lo’o i le aoga.

“E le na’o le fanau ma le tausiga o le aiga ae  mo faalavelave faale-aiga e tutupu pea i aso uma.

“E tutupu uma lava nei mea i le taimi e tasi”

O lana mau, o faalavelave faale-aiga ua masani ai lava o tatou tagata mai aso anamua.

“E le mafia ona tatou ‘aloese mai ai o le mea e tatau ona fai e tagata uma aua ua masani ai lava.“E le faapea e maua tupe ona fai ai loa lea na’o manaoga o le matou aiga, e iai lava nisi mea o lo’o moomia ai le seleni mo le faaaogaina.

“O mea fai a le nuu ma le ekalesia e pei o mea taugata ia i lenei vaitaimi ua tatou iai.

O lona talitonuga e moni ua taugata le soifuaga pe a fua iai i le aiga o Leafaitulagi e le tele se latou tupe o maua.

“O le luitau lava lea e feagai ma matou i aso uma a fua iai i lo’u aigae leai seisi e faigaluega e maua mai ai se tupe.

“O mea uma i lenei olaga e faatino lava i le lava o le seleni maua i totonu o aiga aua e leai lava seisi e faalagolago iai.

Ua ia maitauina foi suiga ma luitau o tutupu i lenei olaga ma o lo’o ia lototele lava e galue ma sue se galuega mo lona aiga.

“O le galuega lava e maua o lena lava o le tupe lava o lo’o moomia mo le fanau aemaise le aiga.

E maua le tina ia Leafaitulagi i le numera: 7264818

© Samoa Observer 2016

Developed by Samoa Observer in Apia