Auala eseese faamanuiaga mo aiga ma fanau

Tusia Seia Soloi ma Aruna Lolani ,

45 Hits

Saualo Atina’e, 52-tausaga le matua mai le afioaga o Fasitoo-tai.

Saualo Atina’e, 52-tausaga le matua mai le afioaga o Fasitoo-tai.

E aga eseese lava tagata i lenei vaitau o le soifuaga ma le sailiiga o manuia mo aiga ma fanau

O le tama ia Saualo Atina’e, 52-tausaga le matua mai le afioaga o Fasitoo-tai o ia o se fai-faiva mo lona ia klava aiga ma lana fanau

Na’o le pau lea o le tagata o lo’o faamoemoe iai lona aiga i le tausiga ai mo aso uma

“E ese le faigata o lea galuega aua e le’o se mea faigofie aua o maua e le faigaluega” o lana tala mai lea i le Fofoga o Samoa

“Sa ou faigaluega muamua ae ua ou faamavae ona e utiuti le seleni ma e le talafeagai foi ma lo’u galue lea e iai

“Sa tonu ai loa i lo’u mafaufau e saili seisi a’u galuega mo le tausiga o aiga ma o le tali lava lea o le fagota lava

“Out e fagota lava a’u ia i aso uma sei vagana ai lava ua faaletonu le tala o le tau ona faatoa malolo lava lea 

“Ae o lo’u mafaufau o le seleni tele lava lea o lo’o maua mai mo lo’u aiga o e fagota lava

“E faatau pa’a. o i’a ma pusi ma nisi o meaai sami i le maketi a le’o lena foi ua iai nisi ua fai a latou oka mo ni aso faapitoa aemasie ai lava le Aso Sa o Tina ua lata mai

“Out e fai lava a’u ia e saili sa’u galuega ae ua tonu a ii lo’u mafaufau ua lava le fagtota e lelei le tupe maua mo aso uma ma fetaui lelei

“Maua lava le ova ma le lua selau tala i le aso a le’i lena ae a iai lava tagata e oka ua oo lava i le afe tala le tupe maua

Ua malamalama lelei lava le tama i suiga ma luitau o le olaga atoa ai ma ona suiga ua iai nei

“Ua taugata tele le soifuaga ua iai nei pe a faatusatusa atu i nisi o aiga ua le gafatia tau o oloa i lenei vaitau

“E ta’u mai ai ii tatou te le faalagolago fua i le Malo ma ana faaiuga fai ae faamoemoe lava le tagata ia i lona malosi ua iai mo aiga

“Aua e le nonofo omai e faia mea o lo’o mananao iai tagata ae o le naunautaiga o aiga ina ia manuia fanau mo le lumanai

© Samoa Observer 2016

Developed by Samoa Observer in Apia