Naunau le tina mo sana galuega mo lona aiga

Tusia Seia Soloi ,

44 Hits

Le tina ia Telesia Failelei.

Le tina ia Telesia Failelei.

Ao faasauni atu ai mo le faamanatuina o le Aso Sa i Samoa ma le lalolagi atoa e le manofonofo ai nisi o tina ae o lo’o sailia lava seleni mo e tausiga o aiga ma fanau aemaise ai o a latou lava tina

Mo le tina ia Telesia Failelei na maua atu e le Fofoga o Samoa o lo’o faatau i’a it ala ane o le auala tele i le afioaga o Fasitoo-tai

O le naunautaiga ua ia faia ai ia mea o lona naunau ia maua e lona tina sona ofu fou mo le Aso Sa o Tina i lenei tausaga

“O le faamoemoe autu lava lena ua faatau ai ia mea mo le ofu fu o le loomatua” o lana tala mai lea i le Fofoga o Samoa

“O le matou aiga nei e leai se tasi e faigaluega ua na’o le sami lava o lo’o faamoemoe iai le aiga e oo foi i tuagane ma aiga o lena lava

“E moni lava e le’o iai ni galuega ae o le fiafiaga o lo’o atia’e lva e le tagata ia mo lona ia manuia lona olaga ae le’o le faalagolago fua i nisi tagata

“E moni lava i nei aso ua taugata le soifuaga ae o le galue lava o le tagata ia ma faamaoni mo lona aiga e leai se mea faigata ai

“I le taimi nei ua le toe taugofie le soifuaga ua tupe uma mea e lu’iina ai foi mafaufau o nisi o tina o lo’o faavaivai ma faapalapala i lenei taimi

O e talitonuga o le tina ia Telesia, o luga lava o le tagata ia ma lona faatamala ua le manuia ai lona aiga

“A paie le tagata e galue o lea le mea a maua i le lumanai ma aso a sau

“I e taimi nei out e naunau e saili sa’u galuega ae o lea e tau faataatitia fuafuaga mo se fale ma mea faapena aua e le faamoemoe tele i matua ae ia galue alava le tagata ia mo ia lava ma lona aiga ma lana fanau

Ua maitauina foi e Telesia le tele o suiga ma luitau i lenei olaga, ae o lana mau o le galue lava mo aiga ma fanau

“O le naunautaiga sili lava lena ia maua ni seleni mo fanau aemaise ai o se lumanai manuia mo aiga i le aso o i luma

© Samoa Observer 2016

Developed by Samoa Observer in Apia