Fa’afetai, fa’afetai tele lava

By Talimalie Uta 13 September 2017, 12:00AM

Mai le tele o tausaga sa saili galuega solo ai, fa’afetai lea ua tali mai.

O Maniniosomoi Ape Solia, 25 mai Fasito’outa sa fa’alia lona agaga fiafia ile Fofoga o Samoa ina ua maua lana galuega

Sa fa’alia ele tina, o se mea uiga ese lea I lona olaga ile vave ona tali mai ole galuega ina ua fa’asalalau ana fa’amatalaga I luga ole Samoa Observer

O Maniniosomoi ua maua lana galuega e tausitama ai I le fanau ale tina ia Leilani Mo’eono ole loia mai I Tiapapata

“ E muamua lava ona si’I le vi’iga male fa’afetai ile Atua aua lenei manuia ua o’u maua, o’ute fa’afetai ai fo’I aua lona le tu’ulafoaina o lana fanau.”

“E ese le matagofie male ofoofogia o mea ua saunia e le Atua mo I tatou, e le gata o lona alofa a’o fa’amanuiaga tatou te mea mai I auala ese’ese.”

“O’u te fa’afetai fo’I ile tina ia Leilani Mo’eono mo lona alofa fo’I I lo’u nei tagata lea ua maua ai le avanoa o’u te faigaluega ai ia te ia, e le lava ni ‘upu e momoli atu ai la’u fa’afetai ae alofa le Atua ma fa’amanuia ia te oe.”

“E momoli fo’I la’u fa’afetai ile pulega ale Samoa Oberver, aua o a latou tusitusiga ia ‘ua o’u maua ai lenei avanoa o’u te faigaluega ai.”

“Olea la ua maua le galuega, ia ole galue lava ma le malosi e le gata I lea a’o le fa’amaoni fo’I male ola tautua e auauna ai.”

Mo le tina loia ia Leilagi Moe’ono, e le’o faigaluega ile taimi nei aua sa pisi o ia ile va’aiga o lana fanau ma fai ona tiute fa’atina. Ae ina ua ia fa’afaigaluegaina loa Maniniosomoi, ua maua ai loa lona avanoa e toe fo’I ai ile ola faigaluega

“E ta’u manino atu lava, o a’u sa le toe iai le agaga e fa’afaigaluegaina ai tagata Samoa aua e tele fo’I nai fa’afitauli sa aliali mai ia aso ua tuana’i

“Sa o’u fuafua fo’I e aumai se teine mai Fiti e faigaluega ia te a’u, ‘ae peita’I, ina ua o’u faitau ile pepa ile itulau ole Fofoga o Samoa, o ina na sui ai lo’u mafaufau ma vili sa’o loa le tama’ita’I lea

“O le Samoa lava ia, e naunau lava e fesoasoani I tagata o lo’o fia maua se fesoasoani, ma o’u te va’ai atu fo’I ile tama’ita’I lea o Manini e ‘ese le manaia o lana tala’aga I luga ole pepa… ole ala fo’I lea ua o’u aumaia ai e fa’afigaluega ia te a’u.”

“Talosia ia ile alofa ole Atua ae sologa lelei le matou mafutaga.”

By Talimalie Uta 13 September 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>