‘Ia fesoasoani i aiga’ - Fetu

By Ilia L Likou 14 October 2017, 12:00AM

O le maua ai o le faatalatalanoaga ma le Fetu Leali’ifano i le aso ananafi na ia fa’ailoa ai le taugata o le tau o le soifuaga o lo’o ua i ai nei.

“Ia a fa’atusa atu i lo’u totogi o lo’o mafai ona maua mai le taimi lenei ua matua’i leai lava se tulaga fo’i le le e mafai ona maua se tupe fa’asili mo a’u lava ia.

Na ia fa’ailoa o le itu lelei ai o le taumafai lava lea ina ia fesoasoani i ai.

“O le uiga o la’u tala o le a le tupe e mafai ona maua o le itu taua lava o le  mafai ai lea ona fesoasoani e fa’atau ai le suka, alaisa aemaise o le pasese o le vaiaso.

“E $150 lo’u totogi ia e uma lava i le tasi o le aso, aua e tatau fo’i ona fa’atau ma sa’u vaega mo a’u lava ia.

“O le taimi lenei i Samoa o lo’u iloa i ai, ua matua’i faigata lava aso ua i ai, ua le toe faigofie, e le fa’apea ua ou fai atu e leaga totogi o lo’o maua.

“Ae o le tulaga lava lena ua i ai nei aso, ua matua’i faigata lava, ua tasi lava le taimi e maua ai le tupe uma, ua leai ma se faapea e mafai ona toe tu’u atu le isi aso.

Na ia ta’ua o aso nei ua le toe aoga lava ona toe filifili galuega.

“E tatau lava ona fa’atino o so’o se itu e mafai ona fa’atinoina aua le lelei alu i luma o le olaga o lo’o ua i ai nei.

“O le itu pito sili lava ona taua, o le taumafai ai lea e fa’atino o so’o se galuega e mafai ai ona fesoasoani i aiga aemaise lava lenei vaitau ua tatou i ai i le taugata o le soifuaga.

“I a te a’u lava ia o se itu taua tele le taumafai ina ia fa’amaoni o a galuega ua mafai ona i ai lenei vaitau ia tatou alu ai lava.

“Ia aua ne’i o tatou avea fa’afitauli ma tulaga e fa’agalo lo tatou sao taua i aiga ina ia manuia aua le aga’i atu ai le lumana’i.

By Ilia L Likou 14 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>