E taua le avea o oe o se tina

By Ioana Tupa'i 15 November 2017, 12:00AM

O le tina ia Fiaávaé Leiataua, 67 tausaga le soifua mai Faleū Manono na maua le avanoa e faatalanoa ai e le Fofoga o Samoa.

Sa ia faailoa ai i lona lava ia talitonuga, ina ua avea o ia ma tina, o le faataua ma le faamuamua sa ia te ia ua tuuina atu lea i lana fanau.

“O le matafaioi o loo i le tina e le faigofie.”

“O le tina e na te faamafolafolaina vaega uma ua nunumi i le vaai.”

“Ou te talitonu e iloa le tina lelei lana faufautua ma le tausiga o lana fanau i foliga vaaia e ala lea i tū ma aga e faatino e lana fanau i luma o tagata aemaise ai i totonu o le aiga.”

Ma e ao i ona silafia paganoa o loo agai iai lana fanau i soo se taimi. O le tele o faafitauli ua tutupu mai i alo tamaitai o le atunuu e ao ona mataítuina lelei e tina.

O le tuúlafoaiina o fanau i taimi uma e mafua ai ona tutupu mai nei faafitauli i totonu o aiga.

Taua e le tina ia Fiaávaé e ao foi i tina ona taofia le fiafia e auai i taaloga faitupe e pei o le TV Bingo, ua tele le seleni e alu ai ae o lena seleni sa tatau ona faaaoga mo le tausiga o le fanau e ala lea i le faatauina o taumafa ma le totogi ina o a latou pili aoga.

By Ioana Tupa'i 15 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>