Faa’amu’amu le Palemia i le valaau

16 January 2016, 12:00AM

Tusia - Lanuola Tusani Tupufia

Faaliliu e Seagaitumua Tupuola 

 

Ua faa’amu’amu le Palemia o ‘Tuilaepa Sa’ilele Malielegaoi i se valaa’u ina ia faamavae o ia mai le tofi Palemia. 

O lea valaau na faaleo e le Minisita Faaolioli o Tupe a le Tautua Samoa Party, o Afualo Dr. Wood Salele, ia lea na saunoa ua leva ona i totonu o le paoa le Palemia ma ua oge maufaufauga e faafoe ai le atunuu. 

 Ina ua fesiligi mo sona manatu faaalia ananafi, fai mai Tuilaepa o Afualo o se alii e faalagolago i lona tomai tau aoaoga. 

Ae mo ia, a pa’ia loa le faafoeina o le atunuu, e le masani o ia maua i taimi uma ni mafaufauga. Ae peitai-na te manaomia ni mafaufauga, e faalagolago o ia i le Atua.

 “E manatu Afualo e tele mafaufauga o loo ia te ia,” o le faaaliga lea a Tuilaepa. “Ae mo a’u lava ia, e leai ni o’u manatu, ae maua lava, Ou te ole atu i le Atua e aumai ni mafaufauga.”

Na ia ta’ua se fono a a Sui o le Senatoa a le Iunaite Setete o Amerika, lea na tapa ai e le Peresertene se Senatoa mai Amerika Samoa na te faai’uina le aso i se tatalo. 

“Na tulai o ia ma faapea atu, le Alii e, aumai ni mafaufauga ia te a’u e fesoasoani ai e fo’ia nei faafitauli.”o le faaliga lea a Tuilepa. “E faapena le faiga o le mea. 

Afai ou te nofo iinei ae leai ni o’u mafaufau, ona ‘ou faapea atu lea-faamolemole le Alii e-umi ni mafaufauga ia te a’u.” I lona faitioina o le Palemia, fai mai Afualo o taumafaiga a le malo e le o ni mea fou. “O le mea o loo tatou vaaia i le taimi ma lea taimi (mai le malo) e le o se mea fou,” o le faaaliga lea a Afualo.

 “E na o le toe lote lava o faiga faavae tuai ua leva tausaga talu ona i ai.” Na faaalia e le Minisita Faaolioli ni manatu e tali atu ai i le mau a Tuilaepa e uiga fai mai e vaivai le fuafuaga a le Tautua Samoa Party mo le taua o le faiga-palota. 

Sa tuua’ia foi e le Palemia le Tautua Party ona o le kopi i fuafuaga a le malo. 

Sa teena lea lafoga e Afualo. 

“O se vaaiga fou lenei ma o se mafaufauga fou,” o lana faaaliga lea e uiga i faiga faavae na latou faaalia faalaua’itele i le vaiaso talu ai, ia e faatūtū i avanoa tutusa mo tagata Samoa i le salafa o le atunuu..I le fuafuaina o le faatinoina o tiute fai  o le H.R.P.P.i le faagasologa o le tolusefulu tausaga talu ai, fai mai Afualo –e anoano mea na o latou faia e ati a’e ai le atunuu e tusa ai ma galuega tetele.

Ae peitai-sa latou matua to’ilalo lava pe a pa’ia le itu tau le tulaga tutusa o le atunuu ma le atiina a’e o tagata. 

Afai la tatou te matua nonofo lelei i lalo ma matua iloilo lelei fuainumera o le tolusefulu tausaga poo le sili atu (o le pulega a le H.R.P.P.) e le o se tulaga lenei e tatau ona i ai Samoa. Sa tatau ona matua sili atu le tulaga lelei o Samoa.”(O nisi upu mai le Palemia o le a i totonu o le Samoa Observer taeao).

16 January 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>